Advertisement
ಪರಮಾಣು ಸಮ್ಮಿಲನ (ನ್ಯೂಕ್ಲಿಯರ್ ಫ್ಯೂಷನ್) ತಂತ್ರದಡಿ ಈ ಪ್ರಯೋಗ ನಡೆಸಲಾಗುತ್ತಿದೆ. ಇತ್ತೀಚೆಗೆ, ಈ ಪ್ರಯೋಗದಲ್ಲಿ ಬಳಸಲಾಗುವ ಪ್ಲಾಸ್ಮಾವು 101 ಸೆಕೆಂಡ್ಗಳ ಕಾಲ ಉರಿದು 120 ಮಿಲಿಯನ್ ಡಿಗ್ರಿ ಸೆಲ್ಸಿಯಸ್ನಷ್ಟು ಶಾಖವನ್ನು ಉತ್ಪಾದಿಸಿದೆ. ಅನಂತರ, 20 ಸೆಕೆಂಡ್ ಹೆಚ್ಚುವರಿಯಾಗಿ ಉರಿದ ಪ್ಲಾಸ್ಮಾ, ಸೂರ್ಯನಿಗಿಂತ 10 ಪಟ್ಟು ಶಾಖವನ್ನು ಅಂದರೆ, 160 ಮಿಲಿಯನ್ ಡಿಗ್ರಿ ಸೆಲ್ಸಿಯಸ್ನಷ್ಟು ಶಾಖ ಉತ್ಪಾದಿಸಿದೆ.
ಸೀಮಿತವಾದ ಪರಮಾಣು ತ್ಯಾಜ್ಯಗಳನ್ನು ಬಳಸಿ ಸೂರ್ಯನಿಂದ ಹೆಚ್ಚು ಬೆಳಕು, ಶಾಖವನ್ನು ದೀರ್ಘಕಾಲ ಪಡೆಯುವಂತೆ ಮಾಡುವ ವಿಧಾನ ಆವಿಷ್ಕರಿಸಲು ಚೀನ ಪ್ರಯತ್ನಿಸುತ್ತಿದೆ. ಸದರ್ನ್ ಯೂನಿವರ್ಸಿಟಿ ಆಫ್ ಸೈನ್ಸ್ ಆ್ಯಂಡ್ ಟೆಕ್ನಾಲಜಿಯ ತಜ್ಞರು ಈ ಪ್ರಯೋಗ ನಡೆಸುತ್ತಿದ್ದಾರೆ. ಈಗ 101 ಸೆಕೆಂಡ್ ಪ್ಲಾಸ್ಮಾ ಉರಿದಿದ್ದಕ್ಕೆ ವಿಜ್ಞಾನಿಗಳು ದೊಡ್ಡ ಮೈಲುಗಲ್ಲನ್ನು ಸಾಧಿಸಿರುವ ಬಗ್ಗೆ ಖುಷಿಯಾಗಿದ್ದಾರೆ. ಆದರೆ ತಜ್ಞರು ಈ ಬಗ್ಗೆ ಈಗಲೇ ಖುಷಿ ಪಡುವ ಹಾಗಿಲ್ಲ. ಕೃತಕ ಸೂರ್ಯನನ್ನು ಸಾಧಿಸಲು ಇನ್ನೂ ದೀರ್ಘಕಾಲದ ಪ್ರಯಾಣ ಮುಂದುವರಿಸಬೇಕಾಗಿದೆ ಎಂದು ಹೇಳಿದ್ದಾರೆ.