ಕೋವಿಂದ್‌ ಅರುಣಾಚಲ ಭೇಟಿಗೆ ಚೀನ ಕ್ಯಾತೆ

ಬೀಜಿಂಗ್‌: ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಬಳಿಕ ಇದೀಗ ಅರುಣಾಚಲ ಪ್ರದೇಶಕ್ಕೆ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಅವರ ಭೇಟಿಗೂ ಚೀನವಿರೋಧ ವ್ಯಕ್ತಪಡಿಸಿದೆ. ದ್ವಿಪಕ್ಷೀಯ ಸಂಬಂಧಗಳು ಮಹತ್ವದ ಘಟ್ಟದಲ್ಲಿ ಇರುವಂಥ ಈ ಸಂದರ್ಭದಲ್ಲಿ ಭಾರತವು ಗಡಿ ವಿವಾದವನ್ನು ಮತ್ತಷ್ಟು ಸಂಕೀರ್ಣಗೊಳಿಸುವುದು ಸರಿಯಲ್ಲ ಎಂದು ಎಚ್ಚರಿಕೆಮಿಶ್ರತ ಧ್ವನಿಯಲ್ಲಿ ಚೀನಹೇಳಿದೆ. ರವಿವಾರವಷ್ಟೇ ರಾಷ್ಟ್ರಪತಿ ಅಲ್ಲಿಗೆ ಭೇಟಿ ನೀಡಿದ್ದರು. ಇದೇ ವೇಳೆ, ಭಾರತೀಯ ಗಣ್ಯರ ಭೇಟಿಗೆ ವಿರೋಧ ವ್ಯಕ್ತಪಡಿಸುತ್ತಿರುವ ಚೀನಗೆ ತಿರುಗೇಟು ನೀಡಿ ರುವ ಭಾರತ, “ಅರುಣಾಚಲವು ಭಾರತದ ಅವಿಭಾಜ್ಯ ಅಂಗ. ದೇಶದ ಯಾವುದೇ ಪ್ರದೇಶಕ್ಕೂ ಹೋಗುವ ಮುಕ್ತ ಸ್ವಾತಂತ್ರ್ಯ ಭಾರತೀಯರಿಗೆ ಇದೆ’ ಎಂದಿದೆ.