ಪಂಚಾಯತ್‌ ಚುನಾವಣೆಗೆ ಮಕ್ಕಳ ನಿಯಮ ಅನ್ವಯವಾಗದು: ಏನಿದು ಇಬ್ಬರು ಮಕ್ಕಳ ನಿಯಮ?

ಡೆಹ್ರಾಡೂನ್:‌ ಎರಡಕ್ಕಿಂತ ಹೆಚ್ಚಿನ ಮಕ್ಕಳನ್ನು ಹೊಂದಿರುವವರು  ಚುನಾವಣೆಯಲ್ಲಿ ಸ್ಪರ್ಧಿಸುವಂತಿಲ್ಲ ಎಂಬ ಉತ್ತಾರಾಖಂಡ ಸರ್ಕಾರದ ಕಾಯಿದೆಯನ್ನು ತಡೆಹಿಡಿದಿರುವ ನೈನಿತಾಲ್‌ ಹೈಕೋರ್ಟ್‌, ಈ ಮಕ್ಕಳ ಕಾಯಿದೆ ಪಂಚಾಯತ್‌ ಚುನಾವಣೆಗೆ ಅನ್ವಯವಾಗುವುದಿಲ್ಲ ಎಂದಿದೆ.

ಉತ್ತರಾಖಂಡದ ತ್ರಿವೇಂದ್ರ ಸಿಂಗ್‌ ನೇತೃತ್ವದ ಸರಕಾರ ಎರಡಕ್ಕಿಂತ ಹೆಚ್ಚು ಮಕ್ಕಳಿರುವ ವ್ಯಕ್ತಿ ಯಾವುದೇ ಪಂಚಾಯತ್‌  ಚುನಾವಣೆಯಲ್ಲಿ ಸ್ಪರ್ದಿಸುವಂತಿಲ್ಲ. ಚುನಾವಣೆಯಲ್ಲಿ ಸ್ಪರ್ಧಿಸ ಬಯಸುವ ಅಭ್ಯರ್ಥಿ ನಿರ್ಧಿಷ್ಟ ವಿದ್ಯಾರ್ಹತೆ ಪೂರ್ಣಗೊಳಿಸರಬೇಕು  ಎಂಬ ಕಾಯ್ದೆಯನ್ನು ತಂದಿತ್ತು. ಈ ಮಸೂದೆಯನ್ನು ಇದೇ ವರ್ಷದ ಜೂನ್‌ ನಲ್ಲಿ ವಿಧಾನಸಭೆಯಲ್ಲಿ ಅಂಗೀರಕರಿಸಿಲಾಗಿತ್ತು.

ಈ ಕಾಯಿದೆಯನ್ನು ಪ್ರಶ್ನಿಸಿ  ಮನೋಹರ್‌ ಲಾಲ್, ಜೋತ್‌ ಸಿಂಗ್‌ ಬಿಶ್ತ್‌ ಮತ್ತಿತರರು ನ್ಯಾಯಾಲಯದಲ್ಲಿ ಪ್ರಶ್ನಿಸಿದ್ದರು. ಆಗಸ್ಟ್‌ 22ರಂದು ವಿಚಾರನೆಯನ್ನು ಪೂರ್ಣಗೊಳಿಸಿದ್ದ ಹೈಕೋರ್ಟ್‌ ಮುಖ್ಯ  ನ್ಯಾಯಮೂರ್ತಿ ನೇತೃತ್ವದ ಪೀಠ ಇಂದಿಗೆ ತೀರ್ಪನ್ನು ಕಾಯ್ದಿರಿಸಿತ್ತು.