ಮಕ್ಕಳ ಪಾಲನಾ ರಜೆ ಇನ್ನು ಯೋಧರಿಗೂ ಲಭ್ಯ

ನವದೆಹಲಿ: ಸರ್ಕಾರಿ ನೌಕರರಿಗೆ ನೀಡಲಾಗುವ ಮಕ್ಕಳ ಪಾಲನಾ ರಜೆಯ (ಸಿಸಿಎಲ್) ಸೌಲಭ್ಯವನ್ನು ಭಾರತೀಯ ಸೇನೆಯ ಯೋಧರಿಗೂ ವಿಸ್ತರಿಸುವ ಪ್ರಸ್ತಾವನೆಗೆ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಒಪ್ಪಿಗೆ ನೀಡಿದ್ದಾರೆ. ಸದ್ಯಕ್ಕೆ ಸೇನೆಯ ಮಹಿಳಾ ಅಧಿಕಾರಿಗಳಿಗಷ್ಟೇ ಇದ್ದ ಈ ಸೌಲಭ್ಯ ಇನ್ನು ಪುರುಷ ಯೋಧರಿಗೂ ಸಿಗಲಿದೆ. ಮುಂದಿನ ಹಂತದಲ್ಲಿ ಪುರುಷ ಅಧಿಕಾರಿಗಳಿಗೂ ಇದನ್ನು ವಿಸ್ತರಿಸಲು ಚಿಂತನೆ ನಡೆಸಲಾಗುತ್ತಿದೆ. ಈವರೆಗೆ ಇದ್ದಂತೆ, ಶೇ.40ರಷ್ಟು ವೈಕಲ್ಯತೆ ಇರುವ ಮಗುವಿಗೆ 22 ವರ್ಷವಾಗುವವರೆಗೂ ಸಿಸಿಎಲ್ ಪಡೆಯುವ ನಿಯಮಕ್ಕೆ ತಿದ್ದುಪಡಿ ತರಲಾಗಿದ್ದು, ಮಗುವಿನ ವಯಸ್ಸಿನ ಮಿತಿ ತೆಗೆದುಹಾಕಲಾಗಿದೆ.