ಚಿಕ್ಕಮಗಳೂರು: ಮಧ್ಯರಾತ್ರಿ ಕಸ ಹಾಕುವವರಿಗೆ ಮೈಚಳಿ ಬಿಡಿಸಿದ ಸ್ಥಳೀಯರು

ಚಿಕ್ಕಮಗಳೂರು: ಮಧ್ಯರಾತ್ರಿ ಕಸ ಹಾಕುವವರಿಗೆ ಸ್ಥಳೀಯರು ಮೈಚಳಿ ಬಿಡಿಸಿದ ಘಟನೆ ಚಿಕ್ಕಮಗಳೂರು ನಗರದ 26ನೇ ವಾರ್ಡಿನಲ್ಲಿ ನಡೆದಿದೆ.

ರಾತ್ರಿಯ ವೇಳೆ ಸ್ಥಳೀಯರು ಕಾದು ಖಾಲಿ ಜಾಗ, ಲೈಟ್‍ಕಂಬ, ರಸ್ತೆ ಬದಿ ಕಸ ಎಸೆಯುತ್ತಿದ್ದರು. ಮಧ್ಯರಾತ್ರಿಯವರೆಗೂ ಸ್ಥಳೀಯರು ಯುವಕರು ಕಾದುಕುಳಿತು ಕಸ ಹಾಕಿದವರಿಂದಲೇ ತೆಗೆಸಿದ್ದಾರೆ.

ಮತ್ತೆ ಕಸ ತಂದು ಸುರಿದರೇ ತುಂಬಿಕೊಂಡು ನಿಮ್ಮ ಮನೆ ಬಾಗಿಲಿಗೆ ಹಾಕುವುದಾಗಿ ಎಚ್ಚರಿಕೆ ನೀಡಿದ್ದಾರೆ.

ಮಧ್ಯರಾತ್ರಿ ರಸ್ತೆಗೆ ಹಾಕುವ ಬದಲು, ಹಗಲಲ್ಲಿ ಬರುವ ಕಸದ ಆಟೋಗಳಿಗೆ ಹಾಕುವಂತೆ ಸೂಚಿಸಿ, ಚಿಕ್ಕಮಗಳೂರು ನಗರವನ್ನು ಸ್ವಚ್ಛವಾಗಿಡುವಂತೆ ಮನವಿ ಮಾಡಿದ್ದಾರೆ.