ದುರಸ್ಥಿಯಾಗದ ಕಿರುಸೇತುವೆ: ಶಾಸಕರ ಮನೆಗೆ ಪೊರಕೆ ಮುತ್ತಿಗೆ ಎಚ್ಚರಿಕೆ

ಚಿಕ್ಕಮಗಳೂರು: ಅಧಿಕಾರಿಗಳ ಗಮನಕ್ಕೆ ತಂದರೂ ಕಿರುಸೇತುವೆ ದುರಸ್ಥಿ ಮಾಡದ ಕಾರಣ ಪೊರಕೆ ಹಿಡ್ಕೊಂಡು ಶಾಸಕರ ಮನೆಗೆ ಹೋಗುತ್ತೇವೆ ಎಂದು ಎಚ್ಚರಿಕೆ ನೀಡಿದ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.

ಭಾರೀ ಮಳೆಯಿಂದ ಕಿರುಸೇತುವೆ ಸಂಪೂರ್ಣ ಹಾನಿಯಾಗಿದ್ದು, ಕಳಸ ತಾಲೂಕಿನ ಅಳಗೋಡು ಗ್ರಾಮಸ್ಥರು ಪೊರಕೆ ಹೋರಾಟದ ಎಚ್ಚರಿಕೆ ನೀಡಿದ್ದಾರೆ.

ಅಳಗೋಡು ರಸ್ತೆಯು ಕಳೆದ ಮಳೆಯಲ್ಲಿ ಹಾನಿಯಾಗಿದ್ದು, ರಸ್ತೆ ಹಾನಿಯಿಂದ ಓಡಾಟಕ್ಕೆ ಜನರ ಪರದಾಡುತ್ತಿದ್ದಾರೆ.

ಅಪಾಯದಲ್ಲಿಯೇ ವಿದ್ಯಾರ್ಥಿಗಳು ರಸ್ತೆ ದಾಟುತ್ತಿದ್ದಾರೆ. ‌ಜನಪ್ರತಿನಿಧಿಗಳ ನಿರ್ಲಕ್ಷ್ಯಕ್ಕೆ ಹಳ್ಳಿಗರ ಆಕ್ರೋಶ ವ್ಯಕ್ತಪಡಿಸಿದ್ದು, ಮೂಡಿಗೆರೆ ಕ್ಷೇತ್ರಕ್ಕೆ ಬಂದ ಹಣ ಎಲ್ಲೋಯ್ತು ಎಂದು ಪ್ರಶ್ನೆ ಮಾಡುತ್ತಿದ್ದಾರೆ.