ಚಿಕ್ಕಬಳ್ಳಾಪುರ: ಗಾಂಧಿ ಚಿತ್ರ ಬಿಡಿಸಿ ಕಲಾವಿದನ ನಮನ

ಚಿಕ್ಕಬಳ್ಳಾಪುರ: ಜಿಲ್ಲಾ ಕೇಂದ್ರದ ಚಿತ್ರ ಕಲಾವಿದ ಬಿ.ಪಿ.ಲೋಕೇಶ್, ಮಹಾತ್ಮ ಗಾಂಧಿಜೀ ರವರ 150ನೇ ಜನ್ಮ ಜಯಂತಿ ಪ್ರಯುಕ್ತ ಬಿಡಿಸಿರುವ ಬಾಪೂಜಿಯ ಭಾವಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಅಗಿದೆ.

ಹವ್ಯಾಸಿ ಛಾಯಾಚಿತ್ರ ಗ್ರಾಹಕರಾಗಿರುವ ಬಿ.ಪಿ.ಲೋಕೇಶ್, ತಮ್ಮ ಕೈ ಕುಂಚದಲ್ಲಿ ಬಿಡಿಸಿರುವ ಗಾಂಧಿಯವರ ಭಾವಚಿತ್ರ ಗಾಂಧಿ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಲೋಕೇಶ್ ರಾಷ್ಟ್ರೀಯ ನಾಯಕರ ಅದರಲ್ಲೂ ಇತಿಹಾಸ ಇರುವ ತ್ಯಾಗ ಪುರುಷರ ಹಾಗೂ ಸಮಾಜ ಸುಧಾರಕರ ಜಯಂತಿಗಳ ಸಂದರ್ಭದಲ್ಲಿ ಅವರ ಭಾವಚಿತ್ರಗಳನ್ನು ಬರೆದು ಗೌರವ ಸಲ್ಲಿಸುವ ಹವ್ಯಾಸವನ್ನು ರೂಢಿಸಿಕೊಂಡು ಇದ್ದಾರೆ.