Advertisement
ಇಡ್ಲಿ ವಡೆ, ಸಾಂಬಾರ್‌, ಉಪ್ಪಿಟ್ಟು, ಕೇಸರಿಬಾತ್‌ ಕಾಂಬಿನೇಷನ್‌ನ ನೀವು ನೋಡಿದ್ದೀರಿ. ತಿಂದಿದ್ದೀರಿ. ಆದರೆ ಚಿತ್ರಾನ್ನ-ಮಸಾಲೆ ದೋಸೆಯ ಕಾಂಬಿನೇಷನ್‌ ಖಂಡಿತ ವಿರಳ. ಅದು ಈ ಹೋಟೆಲಿನಲ್ಲಿದೆ. ಮಹಾನಗರದ ಐಷಾರಾಮಿ ಹೋಟೆಲ್‌ಗ‌ಳನ್ನು ನಾಚಿಸುವ ರೀತಿಯಲ್ಲಿ ಇಲ್ಲಿ ಘಮಿಘಮಿಸುವ ತುಪ್ಪದ ಖಾಲಿ ದೋಸೆ ಹಾಗೂ ಮಸಾಲೆ ದೋಸೆಗೆ ಸಾಥ್‌ ನೀಡುವ ನಿಂಬೆಹುಳಿಯರುಚಿಕರವಾದ ಚಿತ್ರಾನ್ನದ ಸುವಾಸನೆ ಹೋಟೆಲ್‌ ಪ್ರವೇಶಿಸುತ್ತಿದ್ದಂತೆ ಮೂಗಿಗೆ ಬಡಿಯುತ್ತದೆ.
ಹೆಸರಿನಲ್ಲಿ ವೆಂಕಟರಾಮ್‌ ಹಾಗೂ ಅವರ ಮಗ ಸೀತಾರಾಮ್‌ ಹೋಟೆಲ್‌ ನಡೆಸುತ್ತಿದ್ದಾರೆ. ಈ ಹೋಟೆಲ್‌ನ ವಿಶೇಷ ಅಂದರೆ ರುಚಿ ಹಾಗೂ ಶುಚಿತ್ವದ ತತ್ವ. ದೋಸೆಗೆ ಇವರು ಅಕ್ಕಿಯಿಂದ ಸಿದ್ದಪಡಿಸುವ ಹಿಟ್ಟನ್ನು ಹದಗೊಳಿಸುವ ಪರಿ ವಿಭಿನ್ನವಾಗಿರುತ್ತದೆ. ದೋಸೆಗೆ ಸಾಥ್‌ ನೀಡುವ ಚೆಟ್ನಿ ತಯಾರಿಗೆ ಚಿಕ್ಕಬಳ್ಳಾಪುರದ್ದೇ ಮೆಣಸಿನಕಾಯಿ
ಬಳಕೆಯಾಗುತ್ತದೆ. ಈ ಹೋಟೆಲಿನಲ್ಲಿ ಬೆಳಗ್ಗೆಯಿಂದ ಸಂಜೆತನಕ ದೋಸೆ ಸಿಗುತ್ತದೆ.
Related Articles
ನಟರಾದ ದೊಡ್ಡಣ್ಣ, ಶ್ರೀನಿವಾಸಮೂರ್ತಿ ಮತ್ತಿತರ ನಟರು ನಂದಿ ಗಿರಿಧಾಮದಲ್ಲಿ ಚಿತ್ರೀಕರಣಕ್ಕೆ ಆಗಮಿಸಿದರೆ ಖಾಯಂ ಆಗಿ ಬೆಳಗಿನ ಉಪಹಾರಕ್ಕೆ ಪುಟ್ಟುರಾವ್‌ ಹೋಟೆಲ್‌ಗೆ ತಪ್ಪದೇ ಬರುತ್ತಿದ್ದರು. ಅವಳಿ ಜಿಲ್ಲೆಯ ಬಹುತೇಕ ಶಾಸಕರು, ಮಾಜಿ ಶಾಸಕರು,
ರಾಜಕೀಯ ಪಕ್ಷಗಳ ಧುರೀಣರು, ಅಧಿಕಾರಿಗಳು ಇಲ್ಲಿನ ತುಪ್ಪದ ಖಾಲಿ ಹಾಗೂ ಮಸಾಲೆ ದೋಸೆ ಮತ್ತು ಚಿತ್ರಾನ್ನದ ಕಾಂಬಿನೇಷನ್‌ನ ರುಚಿ ಕಂಡವರು. ಹೋಟೆಲ್‌ನ ಮತ್ತೂಂದು ವಿಶೇಷ ಕೈಗೆಟುಕುವ ದರದಲ್ಲಿ ತುಪ್ಪದ ದೋಸೆ, ಚಿತ್ರಾನ್ನ ಸಿಗುತ್ತದೆ. 18 ರೂ,ಗೆ ಖಾಲಿ ದೊಸೆ, 15 ರೂ,ಗೆ ಚಿತ್ರಾನ್ನ, 40 ರೂ,ಗೆ ತುಪ್ಪದ ಮಸಾಲೆ ದೋಸೆ ದೊರೆಯುತ್ತದೆ.
Advertisement
ಯಶಸ್ಸಿನ ಗುಟ್ಟುಹೋಟೆಲ್ ಇಷ್ಟರಮಟ್ಟಿಗೆ ಖ್ಯಾತಿಯಾಗಲು ಏನು ಕಾರಣ ಅಂತ ಸೀತಾರಾಮ್‌ ರನ್ನು ಕೇಳಿದರೆ ಅವರು ಹೇಳಿದ್ದು ಹೀಗೆ: ಹೋಟೆಲ್‌
ಆರಂಭಗೊಂಡಾಗಿನಿಂದಲೂ ನಾಲ್ಕೈದು ಮಂದಿ ಕಾರ್ಮಿಕರು ಶ್ರದ್ಧೆಯಿಂದ ಕೆಲಸ ಮಾಡುತ್ತಿದ್ದಾರೆ. ಒಳ್ಳೆಯ ಅಡುಗೆ ಭಟ್ಟರು ಇದ್ದಾರೆ.
ಅವರ ಪರಿಶ್ರಮದಿಂದ ಹೋಟೆಲ್‌ ಈ ಸ್ಥಿತಿಗೆ ಬಂದಿದೆ. ನಾವೂ ಅಷ್ಟೇ, ನಮ್ಮ ಕಾರ್ಮಿಕರನ್ನು ಸಂತೃಪ್ತಿಯಿಂದ ನೋಡಿಕೊಳ್ಳುತ್ತೇವೆ.
ಅವರಿಗೆ ಏನನ್ನೂ ಕಡಿಮೆ ಮಾಡುವುದಿಲ್ಲ. ಅವರು ಚೆನ್ನಾಗಿದ್ದರೆ ಮಾತ್ರ ನಾವು ಚೆನ್ನಾಗಿರಲು ಸಾಧ್ಯ ಎನ್ನುತ್ತಾರೆ. ಕಾಗತಿ ನಾಗರಾಜಪ್ಪ, ಚಿಕ್ಕಬಳ್ಳಾಪುರ.