ಕಡಲೆ ಖರೀದಿ ಕೇಂದ್ರಕ್ಕೆ ಚಾಲನೆ

ಬಾದಾಮಿ: ಇಲ್ಲಿನ ಎಪಿಎಂಸಿಯಲ್ಲಿ ಬೆಂಬಲ ಬೆಲೆಯಲ್ಲಿ ಹಲಕುರ್ಕಿ ಪಿಕೆಪಿಎಸ್‌ ವತಿಯಿಂದ ಕಡಲೆ ಖರೀದಿ ಕೇಂದ್ರಕ್ಕೆ ಹಲಕುರ್ಕಿ ಪಿಕೆಪಿಎಸ್‌ ಅಧ್ಯಕ್ಷೆ ಗಿರಿಜಾ ಬಸವರಾಜ ಹಲಕುರ್ಕಿ ಮತ್ತು ಕಾರ್ಯದರ್ಶಿ ರವಿ ರಾಠೊಡ ಚಾಲನೆ ನೀಡಿದರು.

ನಂತರ ಕಾರ್ಯದರ್ಶಿ ರವಿ ರಾಠೊಡ ಮಾತನಾಡಿ, ಬೆಂಬಲ ಬೆಲೆಯಲ್ಲಿ ಎಫ್‌ಎಕ್ಯೂ ಗುಣಮಟ್ಟದ ಕಡಲೆಗೆ ಪ್ರತಿ ಕ್ವಿಂಟಲ್‌ಗೆ 4875 ರೂ. ರಂತೆ ಖರೀದಿ ಮಾಡಲಾಗುತ್ತಿದೆ. ಈಗಾಗಲೇ ನೋಂದಣಿ ಮಾಡಿದ 325 ರೈತರು ಕಡಲೆ ಮಾರಾಟ ಮಾಡಲು ಹೆಸರು ನೋಂದಣಿ ಮಾಡಿದ್ದಾರೆ. ಇವರೆಲ್ಲರಿಂದ ಕಡಲೆ ಖರೀದಿ ಮಾಡಲಾಗುತ್ತಿದೆ. ರೈತರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಹೇಳಿದರು.

ಎಪಿಎಂಸಿ ಅಧ್ಯಕ್ಷ ಸಿ.ಬಿ.ಗೌಡರ, ಸದಸ್ಯರಾದ ಚನ್ನಪ್ಪ ಪಟ್ಟಣದ, ಸಹಕಾರ್ಯದರ್ಶಿ ಸಿ.ಎಸ್‌. ಅಂಗಡಿ, ಹಲಕುರ್ಕಿ ಪಿಕೆಪಿಎಸ್‌ ಕಾರ್ಯದರ್ಶಿ ರಾಮಣ್ಣ ಹಂಗರಗಿ, ನಿರ್ದೇಶಕರಾದ ಮುತ್ತಣ್ಣ ಹಂಪನ್ನವರ, ರಾಜು ಹಲಕುರ್ಕಿ, ಶಿವುಕುಮಾರ ಸುತಗುಂಡಿ ಹಾಜರಿದ್ದರು.