Chhattisgarh; ಮತ್ತೆ 12 ನಕ್ಸಲೀಯರ ಹತ್ಯೆ: ಈ ವರ್ಷ ಒಟ್ಟು 103 ಬೇಟೆ

ಬಿಜಾಪುರ: ಛತ್ತೀಸ್‌ಗಢದಲ್ಲಿ ನಕ್ಸಲೀ ಯ ರನ್ನು ಮಟ್ಟ ಹಾಕುವ ಕಾರ್ಯಾ ಚರಣೆ ಮುಂದುವರಿದಿದೆ. ನಕ್ಸಲ್‌ ಪೀಡಿತ ಜಿಲ್ಲೆಯ ಬಿಜಾಪುರ ಜಿಲ್ಲೆಯಲ್ಲಿ ಶುಕ್ರವಾರ ನಡೆದ ಕಾರ್ಯಾಚರಣೆ ಯಲ್ಲಿ 12 ಮಂದಿ ನಕ್ಸಲೀಯರನ್ನು ಕೊಲ್ಲಲಾಗಿದೆ. ಹೀಗಾಗಿ ಪ್ರಸಕ್ತ ವರ್ಷ ರಾಜ್ಯದಲ್ಲಿ ಅಸುನೀಗಿದ ಒಟ್ಟು ನಕ್ಸಲರ ಸಂಖ್ಯೆ 103ಕ್ಕೆ ಏರಿಕೆಯಾಗಿದೆ.

ನಕ್ಸಲ್‌ ಕಾರ್ಯಾಚರಣೆ ಬಗ್ಗೆ ಸಿಎಂ ವಿಷ್ಣು ದೇವ್‌ ಮಾಹಿತಿ ನೀಡಿದ್ದಾರೆ. ಕಾರ್ಯಾಚರಣೆಯಲ್ಲಿ ಯಶಸ್ವಿಯಾ ಗಿದ್ದಕ್ಕೆ ಭದ್ರತಾ ಸಿಬಂದಿಗೆ ಅಭಿನಂದನೆ ಸಲ್ಲಿಸಿದರು. ಪ್ರಧಾನಿ ಮೋದಿ, ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ನಕ್ಸಲ್‌ ಪಿಡುಗನ್ನು ಕೊನೆಗಾಣಿಸಲು ಶ್ರಮಿಸು ತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.

ಬಿಜಾಪುರ ಜಿಲ್ಲೆಯ ಕಾಡಿನಲ್ಲಿ ಭದ್ರತಾ ಸಿಬಂದಿ ಈ ಕಾರ್ಯಾಚರಣೆ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿ ದ್ದಾರೆ. ಇದರೊಂದಿಗೆ ಈ ವರ್ಷ ಕೊಲ್ಲ ಲ್ಪಟ್ಟ ನಕ್ಸಲರ ಸಂಖ್ಯೆ 100ನ್ನು ದಾಟಿದ್ದು, ಇದು 2019ರ ಅನಂತರದ ದಾಖಲೆ ಯಾಗಿದೆ. 2018ರಲ್ಲಿ 112, 2016ರಲ್ಲಿ 134 ನಕ್ಸಲರು ಮೃತಪಟ್ಟಿದ್ದರು.