ಕೇವಲ ಒಂದೂವರೆ ರೂಪಾಯಿಗೆ ಒಂದು ಇಡ್ಲಿ!

ಚೆನ್ನೈ: ಹಣದ ಹಿಂದೆ, ಆಸೆಗಳ ಹಿಂದೆ ಓಡುತ್ತಿರುವ ಈ ಜಗತ್ತಿನಲ್ಲಿ ಅಸಾಮಾನ್ಯ ಮಾನವೀಯತೆ ಮೆರೆಯುತ್ತಿರುವ ವ್ಯಕ್ತಿಗಳು ಸಾವಿರಾರು ಮಂದಿಯಿದ್ದಾರೆ. ಅಂತಹ ವ್ಯಕ್ತಿಗಳ ಪೈಕಿ ಅಪರೂಪದ ಸ್ಥಾನ ಪಡೆಯುವವರು ಚೆನ್ನೈನ ವೆರೋನಿಕಾ(70).

ಕೇವಲ ಒಂದೂವರೆ ರೂಪಾಯಿಗೆ ಒಂದು ಇಡ್ಲಿ, ಸಾಂಬಾರ್‌, ಚಟ್ನಿ ನೀಡುತ್ತಾರೆ. ಮನೆಗೂ ಒಯ್ದು ನೀಡುತ್ತಾರೆ. ಅದಕ್ಕೆ ಒಂದೇ ಒಂದು ರೂಪಾಯಿ ಹೆಚ್ಚುವರಿ ಹಣ ಪಡೆ ಯುವುದಿಲ್ಲ.

ಹಾಗೆಯೇ ತನ್ನಲ್ಲಿಗೇ ಬಂದು 7 ಇಡ್ಲಿ ಪಡೆದರೆ ಕೇವಲ 10 ರೂ. ಪಡೆಯುತ್ತಾರೆ. ಇವನ್ನೆಲ್ಲ ಈಕೆ ಮಾಡುತ್ತಿರುವುದು ಕೇವಲ ಆತ್ಮತೃಪ್ತಿಗಾಗಿ. ಈಕೆಯ ಒಂದು ದಿನದ ಸಂಪಾದನೆ 300 ರೂ. ಅದನ್ನು ಪೂರ್ಣವಾಗಿ ಮರುದಿನದ ಇಡ್ಲಿ ತಯಾರಿಗೆ ಬಳಸುತ್ತಾರೆ!

ಇದನ್ನೂ ಓದಿ:ರೀಬಾಕ್‌ನಿಂದ ಹೊಸ ಸ್ಮಾರ್ಟ್‌ವಾಚ್‌ ; “ರೀಬಾಕ್‌ ಆ್ಯಕ್ಟಿವ್‌ ಫಿಟ್‌ 1.0′ ಬಿಡುಗಡೆ