ಚೆನ್ನೈ: ಮಹಿಳಾ ಹಾಸ್ಟೆಲ್‌ ಒಳನುಸುಳಿ, ಮಹಿಳೆಗೆ ದೈಹಿಕ ಕಿರುಕುಳ ನೀಡಲು ಯತ್ನಿಸಿದ 25 ವರ್ಷದ ಐಟಿ ಉದ್ಯೋಗಿಯೊಬ್ಬನನ್ನು ಚೆನ್ನೈ ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.
ಇದನ್ನೂ ಓದಿ:Yamuna; ಈಜಿ ದಾಖಲೆ- ಕೇವಲ 11 ನಿಮಿಷದಲ್ಲಿ ಯಮುನಾ ನದಿಯನ್ನು ದಾಟಿದ ಬಾಲಕಿ!
ಪೊಲೀಸರ ಮಾಹಿತಿ ಪ್ರಕಾರ, ಆರೋಪಿಯನ್ನು ಚೆನ್ನೈಯ ಅಣ್ಣಾನಗರದ ಜಿ. ಡ್ಯಾನಿಲ್‌ ಎಂದು ಗುರುತಿಸಲಾಗಿದೆ. ಈತ ಖಾಸಗಿ ಕಂಪನಿಯೊಂದರಲ್ಲಿ ಉದ್ಯೋಗಿಯಾಗಿರುವುದಾಗಿ ವರದಿ ತಿಳಿಸಿದೆ.
ಈತ ಮಹಿಳಾ ಹಾಸ್ಟೆಲ್‌ ಸಮೀಪ ವಾಸವಾಗಿದ್ದು, ಹಾಸ್ಟೆಲ್‌ ಒಳ ಹೋಗಲು ಸಂಚು ನಡೆಸುತ್ತಿದ್ದ. ಕೊನೆಗೂ ಆತ ಭಾನುವಾರ ನಸುಕಿನ ವೇಳೆ ಹಾಸ್ಟೆಲ್‌ ಆವರಣದೊಳಕ್ಕೆ ಪ್ರವೇಶಿಸಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಹಾಸ್ಟೆಲ್‌ ಕೋಣೆಯೊಂದರಲ್ಲಿ ಮಲಗಿದ್ದ 28 ವರ್ಷದ ಮಹಿಳೆಗೆ ಕಿಟಕಿ ಮೂಲಕ ಕಿರುಕುಳ ನೀಡಲು ಆರಂಭಿಸಿದ್ದು, ಆಗ ಆಕೆ ಭಯದಿಂದ ಕಿರುಚಿದ್ದಳು. ಬಳಿಕ ಹಾಸ್ಟೆಲ್‌ ಯುವತಿಯರು ಎದ್ದು, ಆರೋಪಿಯನ್ನು ಹಿಡಿಯಲು ಹೊರಬಂದಾಗ, ಅಲ್ಲಿಂದ ಕಾಲ್ಕಿತ್ತಿದ್ದ ಎಂದು ವರದಿ ತಿಳಿಸಿದೆ.
ಘಟನೆ ಬಗ್ಗೆ ಜೆಜೆ ನಗರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾದ ನಂತರ, ಸಿಸಿ ಟಿವಿಯನ್ನು ಪರಿಶೀಲಿಸಿ ತನಿಖೆ ನಡೆಸಿದ ನಂತರ ಆರೋಪಿಯನ್ನು ಬಂಧಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
