ಹೊಸದಿಲ್ಲಿ: ಭಾರತೀಯ ಬಾಹ್ಯಾಕಾಶ ವಿಜ್ಞಾನಿಗಳ ಮಹತ್ವಾ ಕಾಂಕ್ಷೆಯ “ಚಂದ್ರಯಾನ-2′ ಯೋಜನೆಯ ಆರ್ಬಿಟರ್ ಕಾರ್ಯಾ ರಂಭಗೊಂಡು ಇದೇ ಆ. 21ಕ್ಕೆ ಒಂದು ವರ್ಷ ಪೂರ್ತಿ ಯಾಗಿದೆ. ಈ ಒಂದು ವರ್ಷದ ಅವಧಿಯಲ್ಲಿ ನಿರೀಕ್ಷೆಯಂತೆ ಚಂದ್ರನನ್ನು ಸುತ್ತುತ್ತಾ ಬಂದಿರುವ ಆರ್ಬಿಟರ್ನಲ್ಲಿ ಇನ್ನೂ ಏಳು ವರ್ಷ ಕ್ಕಾಗುವಷ್ಟು ಇಂಧನವಿದ್ದು, ಇನ್ನೂ ಹೆಚ್ಚಿನ ಕೆಲಸವನ್ನು ನಿರೀಕ್ಷಿಸಬಹುದು ಎಂದು ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೋ) ತಿಳಿಸಿದೆ. 2019ರ ಜು. 21ರಂದು ಚಂದ್ರಯಾನ-2 ಯೋಜನೆ ಅನುಷ್ಠಾನಗೊಂಡಿತ್ತು. ಆ. 21ರಂದು ಆರ್ಬಿಟರ್ ತನ್ನ ಕಾರ್ಯಾಚರಣೆ ಆರಂಭಿಸಿತ್ತು. “”ಆರ್ಬಿಟರ್ ಪೋಲಾರ್ ಆರ್ಬಿಟ್ ಭಾರೀ ವೇಗದಲ್ಲಿ ಚಂದ್ರನನ್ನು ಸುತ್ತುತ್ತಿದೆ. ಆಗಾಗ, ಆ ವೇಗವನ್ನು ಪಿರಿಯಾಡಿಕ್ ಆರ್ಬಿಟ್ ಮೈಂಟನೆನ್ಸ್ (ಒಎಂ) ಕೌಶಲ್ಯಗಳಿಂದ ಬೇಕಾದಂತೆ ಹೊಂದಾಣಿಕೆ ಮಾಡಲಾಗುತ್ತಿದೆ. ಈವರೆಗೆ 17 ಬಾರಿ ಇಂಥ ಹೊಂದಾಣಿಕೆ ಮಾಡಲಾಗಿದೆ” ಎಂದು ಇಸ್ರೋ ತಿಳಿಸಿದೆ.