ಶ್ರೀಲಂಕಾ ವಿಶ್ವಕಪ್‌ ಜವಾಬ್ದಾರಿ ಹೊತ್ತ ಕೋಚ್‌ ಹತುರಸಿಂಘ

ಕೊಲಂಬೊ: ಕಳೆದ ಒಂದು ವರ್ಷದಿಂದ ವಿಶ್ವ ಮಟ್ಟದಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡುತ್ತಿರುವ ಶ್ರೀಲಂಕಾ ಕ್ರಿಕೆಟಿಗರು ಈಗ ನೂತನ ಕೋಚ್‌ ಚಂಡಿಕಾ ಹತುರುಸಿಂಘ ಅವರ ಶಿಸ್ತಿನ ಕಣ್ಗಾವಲಿಗೆ ಒಳಗಾಗಿದ್ದಾರೆ.  ಮುಂದಿನ ವಿಶ್ವಕಪ್‌ಗೆ ತಂಡವನ್ನು ಸಿದ್ಧಪಡಿಸುವ ಜವಾಬ್ದಾರಿಯನ್ನು ಹತುರಸಿಂಘ ತಮ್ಮ ಹೆಗಲ ಮೇಲೆ ಹೊತ್ತುಕೊಂಡಿದ್ದಾರೆ.

ಆಟಗಾರರು ಕಡ್ಡಾಯವಾಗಿ ತರಬೇತಿಗೆ ಹಾಜರಾಗುವುದು, ಕ್ರೀಡಾಂಗಣದಲ್ಲಿ ಹಾಡು ಕೇಳುವುದನ್ನು ನಿಷೇಧಿಸುವಂತಹ ಕಠಿನ ನಿರ್ಧಾರವನ್ನು ಚಂಡಿಕಾ ತೆಗೆದುಕೊಂಡಿದ್ದಾರೆ. ಶ್ರೀಲಂಕಾ ಆಟಗಾರರು ಈ ಹಿಂದೆ ವಿಶ್ವ ಮಟ್ಟದಲ್ಲಿ ದೊಡ್ಡ ಹೆಸರು ಮಾಡಿದ್ದರು. 1996ರಲ್ಲಿ ಏಕದಿನ ವಿಶ್ವ ಚಾಂಪಿಯನ್‌ ಆಗಿದ್ದರು. ಆದರೆ ಇತ್ತೀಚಿಗಿನ ಕಳಪೆ ಪ್ರದರ್ಶನದಿಂದ ಎಲ್ಲೆಡೆಯಿಂದ ಭಾರೀ ಟೀಕೆಗೆ ಗುರಿಯಾಗಿದ್ದಾರೆ.