ಚಾಲೆಂಜರ್‌ ಟ್ರೋಫಿ ಕ್ರಿಕೆಟ್‌: ಜೂ.ತೆಂಡುಲ್ಕರ್‌ಗೆ ಜಾಗವಿಲ್ಲ

ಮುಂಬಯಿ: ಇತ್ತೀಚಿನ ದಿನಗಳಲ್ಲಿ ಅತ್ಯುತ್ತಮ ಬೌಲಿಂಗ್‌ ಫಾರ್ಮ್ ಪ್ರದರ್ಶಿಸಿದರೂ ಮುಂಬರುವ ಅಂಡರ್‌-19 ಚಾಲೆಂಜರ್ ಟ್ರೋಫಿ ಕ್ರಿಕೆಟ್‌ ಪಂದ್ಯಾವಳಿಯಿಂದ ಎಡಗೈ ವೇಗಿ ಅರ್ಜುನ್‌ ತೆಂಡುಲ್ಕರ್‌ ಅವರನ್ನು ಕೈಬಿಡಲಾಗಿದೆ.

ಈ ಸರಣಿಗಾಗಿ ಇಂಡಿಯಾ ಬ್ಲೂ, ಇಂಡಿಯಾ ರೆಡ್‌, ಇಂಡಿಯಾ ಗ್ರೀನ್‌ ಮತ್ತು ಇಂಡಿಯಾ ಯೆಲ್ಲೊ ಹೆಸರಿನ 4 ತಂಡಗಳನ್ನು ಪ್ರಕಟಿಸಲಾಗಿದ್ದು, ಯಾವುದರಲ್ಲೂ ಅರ್ಜುನ್‌ ತೆಂಡುಲ್ಕರ್‌ ಸ್ಥಾನ ಸಂಪಾದಿಸಿಲ್ಲ.

ಈ ಪಂದ್ಯಾವಳಿಯನ್ನು 2020ರ ಅಂಡರ್‌-19 ವಿಶ್ವಕಪ್‌ ಕ್ರಿಕೆಟ್‌ ಪಂದ್ಯಾವಳಿಯನ್ನು ಗಮನದಲ್ಲಿರಿಸಿಕೊಂಡು ನಡೆಸಲಾಗುತ್ತಿದೆ. ಆದರೆ ಈಗಾಗಲೇ 19ರ ಹರೆಯದಲ್ಲಿರುವ ಅರ್ಜುನ್‌ಗೆ ಈ ವಿಶ್ವಕಪ್‌ನಲ್ಲಿ ಪಾಲ್ಗೊಳ್ಳುವ ಅರ್ಹತೆ ಲಭಿಸದ ಕಾರಣ ಚಾಲೆಂಜರ್ ಟ್ರೋಫಿ ಸರಣಿಯಿಂದ ಕೈಬಿಡಲಾಗಿದೆ ಎನ್ನಲಾಗಿದೆ.