ಇರಾನ್‌ ಚಬಹಾರ್‌ ಬಂದರು ಕಾರ್ಯಾರಂಭ

ಹೊಸದಿಲ್ಲಿ: ಇರಾನ್‌ ಚಬಹಾರ್‌ನಲ್ಲಿ ಭಾರತ ನಿರ್ಮಿಸುತ್ತಿರುವ ಬಂದರು ಕಾರ್ಯಾರಂಭಗೊಂಡಿದೆ. ಫೆಬ್ರವರಿಯಿಂದ ಈಚೆಗೆ ಅಫ್ಘಾನಿಸ್ತಾನ ಐದು ಬಾರಿ ಸರಕುಗಳನ್ನು ಕಳುಹಿಸಿಕೊಟ್ಟಿದೆ ಎಂದು ಕೇಂದ್ರ ಸರಕಾರ ಲೋಕಸಭೆಗೆ ತಿಳಿಸಿದೆ.
ಬಂದರಿನ ಮೊದಲ ಹಂತದ ಕಾಮಗಾರಿಗಳನ್ನು ಅಮೆರಿಕದ ಒತ್ತಡಕ್ಕೆ ಮಣಿದು ಸ್ಥಗಿತಗೊಳಿಸಲಾಗಿದೆ ಎಂಬ ವರದಿಗಳ ನಡುವೆಯೇ ಸರಕಾರದಿಂದ ಈ ಹೇಳಿಕೆ ಪ್ರಕಟವಾಗಿದೆ.

ಇರಾನ್‌ ಸರಕಾರದ ಸಹಭಾಗಿತ್ವದಲ್ಲಿ ಯೋಜನೆ ಕೈಗೆತ್ತಿಕೊಳ್ಳಲಾಗಿತ್ತು. 2018ರ ಡಿಸೆಂಬರ್‌ನಿಂದಲೇ ಅಲ್ಲಿಂದ ಸರಕುಗಳ ಸ್ವೀಕಾರ ಮತ್ತು ರವಾನೆ ಕಾರ್ಯ ಶುರುವಾಗಿದೆ ಎಂದು ವಿದೇಶಾಂಗ ಇಲಾಖೆ ತನ್ನ ಉತ್ತರದಲ್ಲಿ ತಿಳಿಸಿದೆ.