ಬಿಪಿಸಿಎಲ್‌ ಮಾರಾಟ ನಿರ್ಧಾರ ಕೈಬಿಟ್ಟ ಸರ್ಕಾರ

ನವದೆಹಲಿ: ಭಾರತ್‌ ಪೆಟ್ರೋಲಿಯಂ ಕಾರ್ಪೊರೇಷನ್‌ ಲಿ.(ಬಿಪಿಸಿಎಲ್‌)ನಲ್ಲಿರುವ ತನ್ನ ಎಲ್ಲ ಶೇ.52.98ರಷ್ಟು ಷೇರುಗಳನ್ನು ಮಾರಾಟ ಮಾಡುವ ನಿರ್ಧಾರವನ್ನು ಕೇಂದ್ರ ಸರ್ಕಾರ ವಾಪಸ್‌ ಪಡೆದಿದೆ.

ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿನ ಪ್ರಸ್ತುತ ಪರಿಸ್ಥಿತಿ ಉತ್ತಮವಾಗಿಲ್ಲದ ಕಾರಣ, ಬಿಪಿಸಿಎಲ್‌ ಖಾಸಗೀಕರಣ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಬಹುತೇಕ ಬಿಡ್‌ದಾರರು ಆಸಕ್ತಿ ತೋರಲಿಲ್ಲ. ಹೀಗಾಗಿ, ಶೇರು ಮಾರಾಟದ ಆಫ‌ರ್‌ ಅನ್ನು ಹಿಂಪಡೆಯುತ್ತಿರುವುದಾಗಿ ಸರ್ಕಾರ ಹೇಳಿದೆ.

ಈವರೆಗೆ ಕೇವಲ ಮೂವರು ಬಿಡ್‌ದಾರರು ಮಾತ್ರ ಬಿಡ್ಡಿಂಗ್‌ಗೆ ಆಸಕ್ತಿ ವಹಿಸಿದ್ದರು. ಈ ಪೈಕಿ ಇಂಧನ ದರದಲ್ಲಿ ಸ್ಪಷ್ಟತೆಯ ಕೊರತೆ ಹಿನ್ನೆಲೆ ಇಬ್ಬರು ಹಿಂದೆ ಸರಿದು, ಒಬ್ಬರು ಮಾತ್ರ ಉಳಿದಿದ್ದರು.