ಸ್ತ್ರೀ ಆತ್ಮಗೌರವಕ್ಕೆ ಹೆಚ್ಚಿನ ಒತ್ತು 

ಮಹಿಳಾ ಸ್ವಸಹಾಯ ಗುಂಪುಗಳಿಗೆ ನೀಡಲಾಗುವ ಸಾಲದ ಮಿತಿಯನ್ನು 2016-17ರಲ್ಲಿ ಅದರ ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ. 37ರಷ್ಟು ಹೆಚ್ಚಿಸಲಾಗಿತ್ತು. ಈಗ, ಇದನ್ನು ಮತ್ತಷ್ಟು ಹೆಚ್ಚಿಸಲು ನಿರ್ಧರಿಸಲಾಗಿದ್ದು, ಮುಂದಿನ ವರ್ಷ ಮಾರ್ಚ್‌ನೊಳಗೆ 75 ಸಾವಿರ ಕೋಟಿಗೆ ಮುಟ್ಟಿಸಲು ನಿರ್ಧಾರ. ಇನ್ನು, ಮಹಿಳಾ ಉದ್ಯೋಗಿಗಳಿಗೆ ಶುಭ ಸುದ್ದಿಯೆಂದರೆ, ಭವಿಷ್ಯ ನಿಧಿಗೆ ಮಹಿಳೆಯರ ವೇತನದಿಂದ ಸಂದಾಯವಾಗುವ ಪಾಲು ಶೇ. 12ರಿಂದ 8ಕ್ಕೆ ಇಳಿಕೆ ಮಾಡಲು ನಿರ್ಧರಿಸಲಾಗಿದೆ. 

ಉಜ್ವಲ ಗುರಿ ಎಂಟು ಕೋಟಿಗೆ 
ಇತ್ತೀಚೆಗೆ ಉಜ್ವಲ ಯೋಜನೆ ಜಾರಿಗೊಂಡಾಗ, 5 ಕೋಟಿ ಬಡವರ ಮನೆಗಳಿಗೆ ಉಚಿತ ಎಲ್‌ಪಿಜಿ ಸಂಪರ್ಕ ನೀಡುವ ಗುರಿ ಹೊಂದಲಾಗಿತ್ತು. ಈ ಯೋಜನೆಗೆ ಅಪಾರ ಮಟ್ಟದಲ್ಲಿ ಜನ ಸ್ಪಂದನೆ ಬಂದಿರುವುದರಿಂದ ಇದೀಗ, ಆ ಗುರಿಯನ್ನು 8 ಕೋಟಿ ಮನೆಗಳಿಗೆ ವಿಸ್ತರಿಸಲು ನಿರ್ಧರಿಸಲಾಗಿದೆ. 

ಸುಕನ್ಯಾ ಸಮೃದ್ಧಿ ಯೋಜನೆ ಯಶಸ್ವಿ
 “ಬೇಟಿ ಬಚಾವೊ, ಬೇಟಿ ಪಢಾವೊ’ ಯೋಜನೆಯಡಿ ಆರಂಭಿಸಲಾಗಿದ್ದ “ಸುಕನ್ಯಾ ಸಮೃದ್ಧಿ ಯೋಜನೆ’ಯಡಿ 2017ರ ನವೆಂಬರ್‌ವರೆಗೆ 1.26 ಕೋಟಿ ಖಾತೆಗಳು ತೆರೆಯಲಾಗಿದ್ದು, 19, 183 ಕೋಟಿ ರೂ. ಹಣ ಠೇವಣಿ ರೂಪದಲ್ಲಿ  ಜಮೆಯಾಗಿದೆ.