Advertisement
ಪೆಟ್ರೋಲು ಮತ್ತು ಡೀಸೆಲ್ ಬೆಲೆ ಕಡಿಮೆಯಾಗಬೇಕೆನ್ನುವುದು ಪ್ರತಿಯೊಬ್ಬರ ಇಚ್ಛೆ. ಈ ಎರಡು ಇಂಧನಗಳು ವಾಹನ ಹೊಂದಿರುವವರ ಮಾತ್ರವಲ್ಲದೆ ಪ್ರತಿಯೊಬ್ಬರ ಬದುಕಿನ ಜತೆಗೆ ಮೇಲೆ ನೇರ ಸಂಬಂಧ ಹೊಂದಿವೆ. ಪೆಟ್ರೋಲು ಮತ್ತು ಡೀಸೆಲ್ ಬೆಲೆ ಕಡಿಮೆಯಾದ ಕೂಡಲೇ ಸಾಗಾಟ ವೆಚ್ಚ ಕಡಿಮೆಯಾಗಿ ಅಗತ್ಯ ವಸ್ತುಗಳ ಬೆಲೆ ಕಡಿಮೆಯಾಗುತ್ತದೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ಸರಳ ಅರ್ಥಶಾಸ್ತ್ರ. ಹೀಗಾಗಿ ಎಲ್ಲರೂ ಅವುಗಳ ಬೆಲೆ ಇಳಿಯಲಿ ಎಂದು ಬಯಸುತ್ತಿದ್ದಾರೆ. ಆದರೆ ಜನರು ನಿರೀಕ್ಷಿಸಿದ ಮಟ್ಟಕ್ಕೆ ಈ ಇಂಧನಗಳ ಬೆಲೆ ಇಳಿಸಲು ಸಾಧ್ಯವಾಗುತ್ತಿಲ್ಲ ಎನ್ನುವುದು ವಾಸ್ತವ. ಈಗಲೂ ದೇಶದಲ್ಲಿ ಪೆಟ್ರೋಲು 70 ರೂ. ಮತ್ತು ಡೀಸೆಲ್ 50 ರೂ. ಆಸುಪಾಸಿನಲ್ಲಿದೆ. ದುರದೃಷ್ಟವೆಂದರೆ ಪೆಟ್ರೋಲು ಮತ್ತು ಡೀಸೆಲ್ಗಾಗಿ ನಾವು ವಿದೇಶಗಳನ್ನು ಅದರಲ್ಲೂ ನಿರ್ದಿಷ್ಟವಾಗಿ ಗಲ್ಫ್ ದೇಶಗಳನ್ನು ಅವಲಂಬಿಸಿರಬೇಕಾಗುತ್ತದೆ. ವಿದೇಶದಿಂದ ತಂದ ಕಚ್ಚಾತೈಲವನ್ನು ಸಂಸ್ಕಾರಣಾಗಾರಕ್ಕೆ ಸಾಗಿಸಿ ಸಂಸ್ಕರಿಸಿ ಪೆಟ್ರೋಲು ಮತ್ತು ಡೀಸೆಲ್ ಆಗಿ ಪರಿವರ್ತಿಸಿ ಮಾರುಕಟ್ಟೆಗೆ ಪೂರೈಕೆ ಮಾಡಲಾಗುತ್ತದೆ. ಕಚ್ಛಾತೈಲ ಆಮದು ಮಾಡಿಕೊಳ್ಳುವ ಪ್ರಕ್ರಿಯೆಯಲ್ಲಿ ದೇಶ ಭಾರೀ ಮೊತ್ತದ ವಿದೇಶಿ ವಿನಿಮಯವನ್ನು ಕಳೆದುಕೊಳ್ಳಬೇಕಾಗುತ್ತದೆ. ಈ ಹೀಗೆ ನಷ್ಟವಾದ ವಿದೇಶಿ ವಿನಿಮಯವನ್ನು ಸರಿದೂಗಿಸಿಕೊಳ್ಳುವ ಸಲುವಾಗಿ ಡೀಸೆಲ್ ಮತ್ತು ಪೆಟ್ರೋಲು ಮೇಲೆ ನಾನಾ ರೀತಿಯ ತೆರಿಗೆಯನ್ನು ಹಾಕುತ್ತದೆ. ಇದರಿಂದಾಗಿ ಈ ಇಂಧನಗಳ ಬೆಲೆಯಲ್ಲಿ ಶೇ. 50ರಷ್ಟು ತೆರಿಗೆ ಒಳಗೊಂಡಿರುತ್ತದೆ. ತೆರಿಗಳಿಂದಾಗಿ ಅವುಗಳು ಸದಾ ದುಬಾರಿಯಾಗಿಯೇ ಇರುತ್ತವೆ.ಆದರೆ ಕಾಲಕಾಲಕ್ಕೆ ಡೀಸೆಲ್ ಮತ್ತು ಪೆಟ್ರೋಲು ಬೆಲೆ ಇಳಿಸಬೇಕೆಂಬ ಬೇಡಿಕೆ ಕೇಳಿ ಬರುತ್ತಿರುತ್ತದೆ.
Advertisement
ತೈಲ ಬೆಲೆ ಇಳಿಕೆಗೆ ಕೇಂದ್ರದ ನಿರ್ಧಾರ: ಮಿಥನಾಲ್ಗೆ ಸ್ವಾಗತ
08:01 AM Dec 11, 2017 | Team Udayavani |
Advertisement
Udayavani is now on Telegram. Click here to join our channel and stay updated with the latest news.