ಸಿಬಿಎಸ್‌ಇ: ನಕಲು ತಡೆಗೆ ಹೊಸ ವಿಧಾನ ಜಾರಿ

ಹೊಸದಿಲ್ಲಿ: ನಕಲು ಮಾಡುವುದನ್ನು ತಪ್ಪಿಸುವುದಕ್ಕಾಗಿ ಎಲ್ಲ ಶಾಲೆಗಳಿಗೂ ಸೂಚನೆ ಮಾಡ್ನೂಲ್‌ ಒಂದನ್ನು ಕಳುಹಿಸಲು ಸಿಬಿಎಸ್‌ಇ ನಿರ್ಧರಿಸಿದೆ. ಈ ವಿಧಾನವನ್ನು ಹಲವು ವರ್ಷಗಳಿಂದ ಪ್ರಾಯೋಗಿಕವಾಗಿ ಜಾರಿಗೊಳಿಸಲಾಗಿದ್ದು, ಉತ್ತಮ ಫ‌ಲಿತಾಂಶ ನೀಡಿದೆ. 

ಹೀಗಾಗಿ ಮುಂದಿನ ವಾರದಲ್ಲಿ ನಾವು ಈ ಮಾಡ್ನೂಲ್‌ ಅನ್ನು ಎಲ್ಲ ಶಾಲೆಗಳಿಗೆ ಕಳುಹಿಸಲಿದ್ದೇವೆ ಎಂದು ಸಿಬಿಎಸ್‌ಇ ಅಧಿಕಾರಿಗಳು ತಿಳಿಸಿದ್ದಾರೆ. ಪರೀಕ್ಷೆಯಲ್ಲಿ ನಕಲು ಮಾಡುವ ಪ್ರಕರಣಗಳು ಹೆಚ್ಚುತ್ತಿವೆ. 2016ರಲ್ಲಿ 56 ಪ್ರಕರಣಗಳು ವರದಿಯಾಗಿದ್ದರೆ, 2017 ರಲ್ಲಿ ಇದು 119ಕ್ಕೆ ಏರಿಕೆ ಯಾಗಿದೆ. ಹೀಗಾಗಿ ನಕಲು ಮಾಡುವುದು ಒಂದು ವೈಯಕ್ತಿಕ ಮಟ್ಟದ ಸಮಸ್ಯೆ. ನಕಲು ಮಾಡುವುದು ಅಕ್ರಮ ಹಾಗೂ ನೈತಿಕವಾಗಿ ತಪ್ಪು ಕ್ರಮ ಎಂಬುದಾಗಿ ಮಕ್ಕಳಲ್ಲಿ ಮನವರಿಕೆ ಮಾಡಲಿದ್ದೇವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೇ ಮೊದಲ ವಾರದಲ್ಲಿ ಪರೀಕ್ಷೆ: ಸಿಬಿಎಸ್‌ಇ ಪರೀಕ್ಷೆಗಳು ಮೇ ಮೊದಲ ವಾರದಲ್ಲಿ ನಡೆಯಲಿದ್ದು, ಇದಕ್ಕೂ ಲೋಕಸಭೆ ಚುನಾವಣೆಗೂ ಸಂಬಂಧವಿಲ್ಲ ಎಂದು ಅಧಿಕಾರಿಗಳು ಹೇಳಿದ್ದಾರೆ.