ಸಣ್ಣ ಲಂಚಕ್ಕೆ ಎಫ್ಐಆರ್‌

ಹೊಸದಿಲ್ಲಿ: ಏಜೆಂಟ್‌ ಒಬ್ಬರಿಂದ 100 ರೂ. ಲಂಚ ಪಡೆಯುತ್ತಿದ್ದ ಉತ್ತರ ಪ್ರದೇಶದ ಪ್ರತಾಪ್‌ಗ್ಡ ಅಂಚೆ ಅಧಿಕಾರಿಯೊಬ್ಬರ ವಿರುದ್ಧ ಸಿಬಿಐ ಎಫ್ಐಆರ್‌ ದಾಖಲಿಸಿದೆ. ಸೂಪರಿಂಟೆಂಡೆಂಟ್‌ ಸಂತೋಷ್‌ ಕುಮಾರ್‌ ಸರೋಜ್‌ ಮತ್ತು ಅಂಚೆ ಸಹಾಯಕ ಸೂರಜ್‌ ಮಿಶ್ರಾ 20,000 ರೂ. ಠೇವಣಿ ಇರಿಸಲು 100 ರೂ. ಲಂಚ ಕೇಳುತ್ತಾರೆ ಎಂದು ಕಮಿಷನ್‌ ಏಜೆಂಟ್‌ನ ಪತ್ನಿ ನೀಡಿದ್ದ ದೂರಿನ ಆಧಾರದ ಮೇಲೆ ಸಿಬಿಐ ಎಫ್ಐಆರ್‌ ದಾಖಲಿಸಿದೆ. ಯಾವ ಮೊಕದ್ದಮೆಯೂ ದೊಡ್ಡದಲ್ಲ, ಯಾವುದೂ ಸಣ್ಣದಲ್ಲ. ನಾವು ಎಲ್ಲ ಅಪರಾಧವನ್ನೂ ಸಮನಾಗಿ ನೋಡುತ್ತೇವೆ ಎಂದು ಸಿಬಿಐ ಹೇಳಿದೆ.