ನೀಟ್‌ ಪರೀಕ್ಷೆ: ಮೋಸ ಮಾಡಲು ಯತ್ನಿಸಿದ 8 ಮಂದಿ ಆರೋಪಿಗಳನ್ನು ಬಂಧಿಸಿದ ಸಿಬಿಐ

ನವದೆಹಲಿ: ಭಾನುವಾರ ರಾಷ್ಟ್ರಾದ್ಯಂತ ನಡೆದ ಅಖೀಲ ಭಾರತೀಯ ವೈದ್ಯಕೀಯ ಪ್ರವೇಶ ಪರೀಕ್ಷೆ(ನೀಟ್‌)ಯಲ್ಲಿ ವಿದ್ಯಾರ್ಥಿಗಳ ಸೋಗಿನಲ್ಲಿ ಪರೀಕ್ಷೆ ಬರೆಯಲು ಯೋಜನೆ ಹಾಕಿಕೊಂಡಿದ್ದ ಎಂಟು ಆರೋಪಿಗಳನ್ನು ಕೇಂದ್ರೀಯ ತನಿಖಾ ದಳ(ಸಿಬಿಐ) ಬಂಧಿಸಿದೆ.

ಸುಶೀಲ್‌ ರಂಜನ್‌, ಬ್ರಿಜ್‌ ಮೋಹನ್‌ ಸಿಂಗ್‌, ಪಪ್ಪು, ಉಮಾ ಶಂಕರ್‌ ಗುಪ್ತಾ, ನಿಧಿ, ಕೃಷ್ಣ ಶಂಕರ್‌ ಯೋಗಿ, ಸನ್ನಿ ರಂಜನ್‌, ರಘುನಂದನ್‌, ಜೀಪಿ ಲಾಲ್‌, ಹೇಮೇಂದ್ರ ಮತ್ತು ಭಗತ್‌ ಸಿಂಗ್‌ ಹೆಸರಿನ ಆರೋಪಿಗಳನ್ನು ಬಂಧಿಸಲಾಗಿದೆ.

ಇವರು ಹರ್ಯಾಣ ಮತ್ತು ದೆಹಲಿ ಭಾಗದ ನೀಟ್‌ ಅಭ್ಯರ್ಥಿಗಳಿಂದ ಭಾರೀ ಪ್ರಮಾಣದ ಹಣ ಪಡೆದು, ಅವರ ಗುರುತಿನ ಪತ್ರ ಮತ್ತು ಪರೀಕ್ಷಾ ಪ್ರವೇಶ ಪತ್ರದಲ್ಲಿ ಬದಲಾವಣೆಗಳನ್ನು ಮಾಡಿ, ಪರೀಕ್ಷೆ ಬರೆಯಲು ಹೊಂಚು ಹಾಕಿದ್ದರು ಎನ್ನಲಾಗಿದೆ.