CBDT ಅಧ್ಯಕ್ಷ ಗುಪ್ತಾ ಸೇವಾವಧಿ ವಿಸ್ತರಣೆ

ನವದೆಹಲಿ: ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ(ಸಿಬಿಡಿಟಿ) ಅಧ್ಯಕ್ಷರಾದ ನಿತಿನ್‌ ಗುಪ್ತಾ ಅವರ ಅಧಿಕಾರಾವಧಿಯನ್ನು ಗುತ್ತಿಗೆ ಆಧಾರದಲ್ಲಿ ಮುಂದಿನ 9 ತಿಂಗಳು ಕಾಲ ವಿಸ್ತರಿಸಿ ಕೇಂದ್ರ ಸರ್ಕಾರ ಆದೇಶಿಸಿದೆ. 1986ರ ಬ್ಯಾಚ್‌ನ ಭಾರತೀಯ ಕಂದಾಯ ಸೇವೆ(ಐಆರ್‌ಎಸ್‌) ಅಧಿಕಾರಿಯಾಗಿರುವ ಗುಪ್ತಾ(60) ಶನಿವಾರ ನಿವೃತ್ತಿ ಹೊಂದುವವರಿದ್ದರು.

ಆದಾಯ ತೆರಿಗೆ ಇಲಾಖೆಯಲ್ಲಿ ಅಧಿಕಾರಿಯಾಗಿದ್ದ ಅವರನ್ನು ಸಿಬಿಡಿಟಿ ಅಧ್ಯಕ್ಷರಾಗಿ ಕಳೆದ ವರ್ಷ ಜೂನ್‌ನಲ್ಲಿ ನೇಮಿಸಲಾಗಿತ್ತು. 2023ರ ಅ.1ರಿಂದ 2024ರ ಜೂ.30ರವರೆಗೆ ಸಿಬಿಡಿಟಿ ಅಧ್ಯಕ್ಷರಾಗಿ ಗುಪ್ತಾ ಅವರ ಮರು ನೇಮಕಕ್ಕೆ ಕೇಂದ್ರ ಸಂಪುಟ ನೇಮಕ ಸಮಿತಿ(ಎಸಿಸಿ) ಅನುಮೋದನೆ ನೀಡಿದೆ.