ಕಾವೇರಿ ನೀರು: ಅರ್ಜಿ ಸಲ್ಲಿಸಲು ತಮಿಳು ನಾಡಿಗೆ ಸುಪ್ರೀಂ ಅನುಮತಿ

ಹೊಸದಿಲ್ಲಿ : ತನಗೆ ನ್ಯಾಯ ಪ್ರಕಾರವಾಗಿ ಬರಬೇಕಾಗಿದ್ದ 22.5 ಟಿಎಂಸಿ ಅಡಿ ಕಾವೇರಿ ನೀರನ್ನು ಕರ್ನಾಟಕ ಪೂರೈಸಿಲ್ಲ ಎಂದು ತಮಿಳು ನಾಡು ಹೇಳಿದೆ.

ಈ ಕುರಿತ ದೂರಿನ ಅರ್ಜಿಯನ್ನು ಸಲ್ಲಿಸುವುದಕ್ಕೆ ಸುಪ್ರೀಂ ಕೋರ್ಟ್‌, ಇಂದು ಬುಧವಾರ ತಮಿಳು ನಾಡಿಗೆ ಅನುಮತಿ ನೀಡಿದೆ. 

ಈ ನಡುವೆ ಕರ್ನಾಟಕ ಸರಕಾರ ತಮಿಳು ನಾಡಿಗೆ ಕಾವೇರಿ ನೀರನ್ನು ಕೆಆರ್‌ಎಸ್‌ ಡ್ಯಾಮ್‌ ಮೂಲಕ ಬಿಡುತ್ತಿದ್ದು ಇದಕ್ಕೆ ರೈತರ ವ್ಯಾಪಕ ವಿರೋಧ, ಪ್ರತಿಭಟನೆ ವ್ಯಕ್ತವಾಗುತ್ತಿದೆ. 

ತಾನು ಕಾನೂನು ಪ್ರಕಾರವೇ ತಮಿಳು ನಾಡಿಗೆ ಕಾವೇರಿ ನೀರನ್ನು ಬಿಡುತ್ತಿದ್ದೇನೆ ಎಂದು ಕರ್ನಾಟಕ ಸರಕಾರ ಹೇಳಿದೆ.