Advertisement

ಒಮ್ಮೆ ಚಾರ್ಜ್‌ ಮಾಡಿದರೆ 1,000 ಕಿ.ಮೀ. ಮೈಲೇಜ್‌!

11:16 AM Jun 26, 2022 | Team Udayavani |

ಬೀಜಿಂಗ್‌: ಎಲೆಕ್ಟ್ರಿಕ್‌ ಕಾರು ಅಥವಾ ಬೈಕ್‌ನ ಬ್ಯಾಟರಿಯನ್ನು ಒಮ್ಮೆ ಸಂಪೂರ್ಣ ಚಾರ್ಜ್‌ ಮಾಡಿದರೆ ಎಷ್ಟು ಕಿ.ಮೀ. ಸಾಗಬಹುದು?

Advertisement

100-200 ಎಂದು ನೀವು ಅಂದಾಜಿಸಬಹುದು. ಆದರೆ ಚೀನದ ಈ ಸಂಸ್ಥೆ ತಯಾರಿಸಿ ರುವ ಈ ಬ್ಯಾಟರಿ ಬಳಸಿದರೆ ಸುಮಾರು 1,000 ಕಿ.ಮೀ.ವರೆಗೆ ಚಾರ್ಜಿಂಗ್‌ ಚಿಂತೆಯಿಲ್ಲದೆ ಸಾಗಬಹುದಂತೆ!

ಚೀನದ ಪ್ರಸಿದ್ಧ ಎಲೆಕ್ಟ್ರಿಕ್‌ ವಾಹನ ಬ್ಯಾಟರಿ ತಯಾರಕ ಸಂಸ್ಥೆಯಾಗಿರುವ ಕಂಟೆಂಪರರಿ ಆ್ಯಂಪೆರೆಕ್ಸ್‌ ಟೆಕ್ನಾಲಜಿ ಕೊ. ಲಿ.(ಸಿಎಟಿಎಲ್‌) “ಕಿಲಿನ್‌’ ಹೆಸರಿನ ಬ್ಯಾಟರಿ ತಯಾರಿಸಿದೆ.

ಎಲೆಕ್ಟ್ರಿಕ್‌ ಕಾರುಗಳಿಗಾಗಿಯೇ ಈ ಬ್ಯಾಟರಿಯನ್ನು ತಯಾರಿಸಲಾಗಿದ್ದು, ಈ ಬ್ಯಾಟರಿಯನ್ನು ಒಮ್ಮೆ ಚಾರ್ಜ್‌ ಮಾಡಿದರೆ 1,000 ಕಿ.ಮೀ. ಕ್ರಮಿಸುತ್ತದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.

ಅದಷ್ಟೇ ಅಲ್ಲದೆ, ಸರ್ವೀಸ್‌ ಲೈಫ್, ಸುರಕ್ಷತೆ, ಚಾರ್ಜಿಂಗ್‌ ವೇಗ ಮತ್ತು ಉಷ್ಣಾಂಶ ತಡೆದುಕೊಳ್ಳುವು ದರಲ್ಲೂ ಈ ಬ್ಯಾಟರಿ ಈಗಿರುವ ಎಲ್ಲ ಬ್ಯಾಟರಿಗಳಿಗಿಂತ ಉತ್ತಮವಂತೆ. ದೊಡ್ಡ ಪ್ರಮಾಣದಲ್ಲಿ ಕಿಲಿನ್‌ ಉತ್ಪಾದನೆಗೆ ಸಂಸ್ಥೆ ಕೈ ಹಾಕಿದ್ದು, 2023ರಲ್ಲಿ ಮಾರುಕಟ್ಟೆಗೆ ಅದನ್ನು ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡಿದೆ.

Advertisement

 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next