ಹಿಮದ ನಡುವೆಯೂ ಮಾಲೀಕನ ಸಮಾಧಿ ಬಿಟ್ಟು ತೆರಳದ ಬೆಕ್ಕು!

ಸಾಕುನಾಯಿ ಹಾಗೂ ಮಾಲೀಕನ ನಡುವಿನ ಬಾಂಧವ್ಯದ ಕಥೆಗಳನ್ನು ನೋಡಿರುತ್ತೀರಿ. ಆದರೆ, ಇದು ಸಾಕು ಬೆಕ್ಕಿನ ಕಥೆ. ಸರ್ಬಿಯಾದ ಮಾಜಿ ಮುಫ್ತಿ(ಧರ್ಮಗುರು) ಶೇಖ್‌ ಮುವಾಮೆರ್‌ ಜುಕೋರ್ಲಿ ಅವರ ಬೆಕ್ಕು ಎರಡೂವರೆ ತಿಂಗಳಿಂದಲೂ ಅವರ ಸಮಾಧಿಯನ್ನು ಬಿಟ್ಟು ಅಲುಗಾಡಿಲ್ಲ.

2021ರ ನ.6ರಂದು ಶೇಖ್‌ ಮೃತಪಟ್ಟಿದ್ದು, ಅಂದಿನಿಂದಲೂ ಅವರ ಸಮಾಧಿ ಮೇಲೆಯೇ ಈ ಬೆಕ್ಕು ಕುಳಿತಿದೆ.

ಈಗಂತೂ ಸೆರ್ಬಿಯಾದಲ್ಲಿ ವಿಪರೀತ ಚಳಿಯಿದೆ. ಸಮಾಧಿಯು ಹಿಮದಿಂದ ಮುಳುಗಿದ್ದರೂ ಬೆಕ್ಕು ಮಾತ್ರ ಮಿಸುಕಾಡದೇ ಕುಳಿತಿರುವ ಫೋಟೋ ವೈರಲ್‌ ಆಗಿದೆ.