ನಗದು, ಬಂಗಾರ, ಮದ್ಯ ಜಪ್ತಿ

ಬೆಂಗಳೂರು: ಚುನಾವಣಾ ನೀತಿ ಸಂಹಿತೆ ಜಾರಿ ತಂಡಗಳು ಕಳೆದ 24 ಗಂಟೆಗಳಲ್ಲಿ ರಾಜ್ಯಾದ್ಯಂತ 3.02 ಕೋಟಿ ರೂ.ನಗದು, 13.58 ಕೋಟಿ ರೂ. ಮೌಲ್ಯದ 3.09 ಲಕ್ಷ ಲೀಟರ್‌ ಮದ್ಯ, 14.07 ಲಕ್ಷ ಮೌಲ್ಯದ 33.44 ಕೆ.ಜಿ ಬೆಳ್ಳಿ, 3.42 ಲಕ್ಷ ಮೌಲ್ಯದ 162 ಮಿ.ಗ್ರಾಂ ಬಂಗಾರ, 19.70 ಲಕ್ಷ ಮೌಲ್ಯದ 5 ವಾಹನಗಳು ಹಾಗೂ 1.6 ಕೋಟಿ ಮೌಲ್ಯದ ಇತರೆ ಗೃಹ ಬಳಕೆ ವಸ್ತುಗಳನ್ನು ವಶಪಡಿಸಿಕೊಂಡಿವೆ ಎಂದು ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಮಾಹಿತಿ ನೀಡಿದ್ದಾರೆ.

ಒಟ್ಟು ನಗದು ಜಪ್ತಿ: ಲೋಕಸಭೆ ಚುನಾವಣೆಗೆ ನೀತಿ ಸಂಹಿತೆ ಜಾರಿಗೆ ಬಂದ ಮಾ.10ರಿಂದ ಇಲ್ಲಿವರೆಗೆ (ಮಾ.19) ಚುನಾವಣಾ ನೀತಿ ಸಂಹಿತೆ ಜಾರಿ ತಂಡಗಳು ರಾಜ್ಯಾದ್ಯಂತ ನಗದು 18.16 ಕೋಟಿ ರೂ. ನಗದು ವಶಪಡಿಸಿಕೊಂಡಿವೆ.