ಕರ್ನಾಟಕ ಸಂಗೀತ ಗಾಯಕ ಪದ್ಮಭೂಷಣ ಟಿ.ವಿ.ಶಂಕರನಾರಾಯಣನ್ ವಿಧಿವಶ

ಚೆನ್ನೈ: ಮಧುರೈ ಮಣಿ ಅಯ್ಯರ್ ಶೈಲಿಯ ಗಾಯನ ಶೈಲಿಯ ಕೊಂಡಿ ಎಂದು ಪರಿಗಣಿಸಲ್ಪಟ್ಟ ಕರ್ನಾಟಕ ಸಂಗೀತ ಗಾಯಕ ಟಿ.ವಿ.ಶಂಕರನಾರಾಯಣನ್ ಅವರು ಶುಕ್ರವಾರ ಸಂಜೆ ನಿಧನ ಹೊಂದಿದ್ದಾರೆ. ಅವರಿಗೆ 77 ವರ್ಷ ವಯಸ್ಸಾಗಿತ್ತು. ಪತ್ನಿ, ಒಬ್ಬ ಪುತ್ರ ಮತ್ತು ಪುತ್ರಿಯನ್ನು ಅಗಲಿದ್ದಾರೆ.

ಶಂಕರನಾರಾಯಣನ್ ಅವರು ಮಣಿ ಅಯ್ಯರ್ ಅವರ ಸೋದರಳಿಯ ಮತ್ತು ಟಿ.ಎಸ್. ವೆಂಬು ಅಯ್ಯರ್, ಮಣಿ ಅಯ್ಯರ್ ಅವರ ಕೊನೆಯ ದಿನಗಳವರೆಗೂ ವೇದಿಕೆಯಲ್ಲಿ ಜೊತೆಯಾಗಿದ್ದರು.

ಟಿ.ವಿ.ಶಂಕರನಾರಾಯಣನ್ ಅವರಿಗೆ ಕೇಂದ್ರ ಸರಕಾರ 2003 ರಲ್ಲಿ ಪದ್ಮಭೂಷಣ ಪ್ರಶಸ್ತಿಯನ್ನು ನೀಡಿ ಗೌರವಿಸಿತ್ತು. 2003 ರಲ್ಲಿ ಸಂಗೀತ ಅಕಾಡೆಮಿಯ ಸಂಗೀತ ಕಲಾನಿಧಿ ಪ್ರಶಸ್ತಿಯನ್ನು ಪಡೆದಿದ್ದರು.