ಕಾರು ಪಲ್ಟಿಯಾಗಿ ಇಬ್ಬರು ಮಹಿಳೆಯರು ಸೇರಿ ಐವರು ಜಲಸಮಾಧಿ

ಹಾಸನ:ಹಂಗರಹಳ್ಳಿಯಿಂದ ಗೊರೂರಿಗೆ ತೆರಳುತ್ತಿದ್ದ ಕಾರೊಂದು ಕೆರೆಗೆ ಪಲ್ಟಿಯಾಗಿ ಬಿದ್ದ ಪರಿಣಾಮ ಇಬ್ಬರು ಮಹಿಳೆಯರು ಸೇರಿದಂತೆ ಐವರು ಮಂದಿ ನೀರುಪಾಲಾಗಿರುವ ಘಟನೆ ಹಾಸನದ ಹೊಳೆನರಸೀಪುರದ ಹನುಮನಹಳ್ಳಿ ಬಳಿ ನಡೆದಿದೆ.

ಹಂಗರಹಳ್ಳಿಯಿಂದ ಗೊರೂರಿಗೆ ಸಿಫ್ಟ್ ಕಾರೊಂದು ತೆರಳುತ್ತಿದ್ದ ವೇಳೆ ಹನುಮನಹಳ್ಳಿ ಕೆರೆಗೆ ಪಲ್ಟಿಯಾಗಿರುವುದು ಬೆಳಕಿಗೆ ಬಂದಿದೆ. ಕಾರು ಸೋಮವಾರ ರಾತ್ರಿ ಕೆರೆಗೆ ಬಿದ್ದಿರುವುದಾಗಿ ಕೆಲವು ಮೂಲಗಳು ಹೇಳಿದ್ದರೆ, ಮಾಧ್ಯಮಗಳ ವರದಿ ಪ್ರಕಾರ 2,3 ದಿನದ ಹಿಂದೆ ಕಾರು ಕೆರೆಗೆ ಬಿದ್ದಿರುವುದಾಗಿ ತಿಳಿಸಿವೆ.

ಕಾರಿನಲ್ಲಿ ಇಬ್ಬರು ಮಹಿಳೆಯರು ಸೇರಿದಂತೆ ಐವರು ಜಲಸಮಾಧಿಯಾಗಿದ್ದಾರೆ. ಇಂದು ಬೆಳಗ್ಗೆ ಕಾರು ಮತ್ತು ಮೃತದೇಹವೊಂದು ತೇಲಿಬಂದಿರುವುದಾಗಿ ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.