ಏನೋ ಮಾಡಲು ಹೋಗಿ ಕೊನೆಗೆ ಇನ್ನೇನೋ ಆಗುತ್ತದೆ ಎಂಬುದು ಸುಳ್ಳಲ್ಲ… ಇಲ್ಲೊಬ್ಬ ಯುವಕ ತನ್ನ ಕಾರನ್ನು ಬೀಚ್ ಬದಿಯಲ್ಲಿ ಚಾಲನೆ ಮಾಡಿಕೊಂಡು ಹುಚ್ಚಾಟ ಮಾಡಲು ಹೋಗಿ ಕಾರು ಮೂರೂ ಪಲ್ಟಿಯಾಗಿ ಬಿದ್ದಿದೆ ಅಷ್ಟುಮಾತ್ರವಲ್ಲದೆ ಕಾರು ಪಲ್ಟಿಯಾಗುವ ರಭಸಕ್ಕೆ ಕಾರಿನೊಳಗಿದ್ದ ಯುವಕ ಕೆಲ ದೂರ ಎಸೆಯಲ್ಪಟ್ಟಿದ್ದಾನೆ, ಯುವಕನ ಅದೃಷ್ಟ ಚೆನ್ನಾಗಿತ್ತು ನೋಡಿ ಬದುಕುಳಿದ…
ಈ ಘಟನೆ ನಡೆದಿರುವುದು ಕುವೈತ್‌ನ ಅಬು ಅಲ್ ಹಸನಿಯಾ ಬೀಚ್‌ನಲ್ಲಿ ಇಲ್ಲಿ ಯುವಕನೋರ್ವ ಐಷಾರಾಮಿ ಕಾರೊಂದನ್ನು ಬೀಚ್ ನ ದಡದಲ್ಲಿ ಚಲಾಯಿಸಿಕೊಂಡು ಬಂದಿದ್ದಾನೆ ಅಲ್ಲದೆ ಬೀಚ್ ನ ನೀರಿನ ಮೇಲೆ ಕಾರು ಚಲಾಯಿಸಿಕೊಂಡು ಬರುವ ವೇಳೆ ಕಾರು ನಿಯಂತ್ರಣ ತಪ್ಪಿ ವೇಗ ಹೆಚ್ಚಿಸಿಕೊಂಡು ಪಲ್ಟಿ ಹೊಡೆದಿದೆ ಈ ವೇಳೆ ಕಾರಿನೊಳಗಿದ್ದ ಯುವಕ ಹೊರಗೆ ಎಸೆಯಲ್ಪಟ್ಟು ಸಮುದ್ರದ ನೀರಿಗೆ ಬಿದ್ದಿದ್ದಾನೆ, ಯುವಕನ ಅದೃಷ್ಟ ಚೆನ್ನಾಗಿತ್ತು ನೋಡಿ ಕಾರಿನಿಂದ ಎಸೆಯಲ್ಪಟ್ಟ ಯುವಕ ನೀರಿಗೆ ಬಿದ್ದಿದ್ದರಿಂದ ದೊಡ್ಡ ಮಟ್ಟದ ಅಪಾಯದಿಂದ ಪಾರಾಗಿದ್ದಾನೆ.
ಕೂಡಲೇ ಅಲ್ಲಿಂದ ಎದ್ದು ದಡಕ್ಕೆ ಬಂದ ಯುವಕನಿಗೆ ಅಲ್ಲೇ ಇದ್ದ ಇತರ ಮಂದಿ ಸಹಾಯಕ್ಕೆ ಬಂದಿದ್ದಾರೆ ಜೊತೆಗೆ ಪಲ್ಟಿಯಾಗಿ ಬಿದ್ದ ಕಾರನ್ನು ಸ್ಥಳೀಯರು ಹಾಗೂ ಪೊಲೀಸರ ಸಹಕಾರದಿಂದ ದಡಕ್ಕೆ ತರಲಾಯಿತು. ಘಟನೆಯಿಂದ ಕಾರು ಜಖಂ ಆಗಿದ್ದು ಯುವಕನಿಗೆ ಸಣ್ಣ ಮಟ್ಟದ ಗಾಯಗಳಾಗಿ ಅಪಾಯದಿಂದ ಪಾರಾಗಿದ್ದಾನೆ.
ವಿಡಿಯೋ ಮಾಡುವ ಹುಚ್ಚಾಟದಲ್ಲಿ ತಮ್ಮ ಜೀವದ ಜೊತೆಗೆ ಇತರರ ಜೀವದ ಮೇಲೂ ಎಚ್ಚರವಿರಲಿ ಎಂಬುದು ನಮ್ಮ ಆಶಯ.
