ಗಾಂಜಾ ಮಾರುತ್ತಿದ್ದವರ ಸೆರೆ

ಬೆಂಗಳೂರು: ಹೆಣ್ಣೂರಿನ ಕಲ್ಯಾಣನಗರದ ವೆಂಕಟೇಶ್ವರ ಗ್ಯಾರೇಜ್‌ ಮುಂಭಾಗ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಅರ್ಕಾವತಿ ಲೇಔಟ್‌ನ ಮುನಿರಾಜ್‌ (27), ಸುಲ್ತಾನ್‌ಪಾಳ್ಯದ  ಫಾರೂಕ್‌ (30) ಬಂಧಿತರು. ರೋಪಿಗಳಿಂದ ಒಂದು ಕೆ.ಜಿ. 100 ಗ್ರಾಂ ಗಾಂಜಾ, ಒಂದು ಮೊಬೈಲ್‌, ನಗದು ವಶಪಡಿಸಿಕೊಂಡಿದ್ದಾರೆ.

ಆರೋಪಿಗಳು ಆಂಧ್ರ, ತಮಿಳುನಾಡು ಭಾಗದಿಂದ ಗಾಂಜಾ ಖರೀದಿಸಿ ನಗರಕ್ಕೆ ತಂದು ಮಾರಾಟ ಮಾಡುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿದ ಸಿಸಿಬಿ ಪೊಲೀಸರು ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದಾರೆ. ಪ್ರಕರಣ ಹೆಣ್ಣೂರು ಠಾಣೆಯಲ್ಲಿ ದಾಖಲಾಗಿದೆ.