ಅಕ್ರಮ ಹುಕ್ಕಾ ಬಾರ್‌ ನಡೆಸುತ್ತಿದ್ದ ನಟನ ಸೆರೆ

ಬೆಂಗಳೂರು: ಅಕ್ರಮವಾಗಿ ಹುಕ್ಕಾ ಬಾರ್‌ ನಡೆಸುತ್ತಿದ್ದ ಒಬ್ಬ ನಟ ಸೇರಿದಂತೆ 7 ಮಂದಿಯನ್ನು ಕೇಂದ್ರ ಅಪರಾಧ ವಿಭಾಗ(ಸಿಸಿಬಿ)ದ ಪೊಲೀಸರು ಬಂಧಿಸಿದ್ದಾರೆ.

“ಮುದ್ದು ಮನಸೇ,’ “ನಾನು ನಮ್‌ ಹುಡ್ಗಿ’ ಸಿನಿಮಾಗಳಲ್ಲಿ ನಾಯಕನ ಪಾತ್ರದಲ್ಲಿ ನಟಿಸಿದ್ದ ಹಾಗೂ ಖಾಸಗಿ ವಾಹಿನಿಯ ರಿಯಾಲಿಟಿ ಶೋದಲ್ಲಿ ಸ್ಪರ್ಧಿಸಿದ್ದ ಅರುಣ್‌ಗೌಡ ಹಾಗೂ ಸಂಗಪ್ಪ ಹಾದಿಮನಿ, ಮಂಜುನಾಥ್‌ ಹೋಡಲ್‌, ಮಹೇಶ್‌ಬಾಬು, ವೀರೇಶ್‌ಶೆಟ್ಟಿ, ಮನೀಶ್‌, ವಿಕೇಶ್‌ ಬಂಧಿತ ಆರೋಪಿಗಳು ಅರುಣ್‌ಗೌಡ ಹುಕ್ಕಾ ಬಾರ್‌ನ ಮಾಲೀಕರಾಗಿದ್ದು, ಚಂದ್ರಲೇಔಟ್‌ನ ಎಚ್‌.ಪಿ.ಪೆಟ್ರೋಲ್‌ ಬಂಕ್‌ ಬಳಿಯ “ಚಾರ್‌ಕೋಲ್‌ ಕೆಫೆ’ ಎಂಬ ಹೆಸರಿನಲ್ಲಿ ಬಾರ್‌ ನಡೆಸುತ್ತಿದ್ದಾರೆ.

ಇಲ್ಲಿಗೆ ಬರುವ ಗ್ರಾಹಕರಿಗೆ ಆಹಾರ ಪದಾರ್ಥದ ಜತೆಗೆ ಹುಕ್ಕಾ ಸೇದಲು ಅವಕಾಶ ಕೊಟ್ಟಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಆಧರಿಸಿ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಲಾಗಿದೆ. ಬಳಿಕ ಠಾಣಾ ಜಾಮೀನು ನೀಡಿ ಬಿಡುಗಡೆ ಮಾಡಲಾಗಿದೆ ಎಂದು ಸಿಸಿಬಿ ಪೊಲೀಸರು ತಿಳಿಸಿದ್ದಾರೆ. ಹುಕ್ಕಾ ಮಾರಾಟ ಕುರಿತು ಸುಪ್ರೀಂ ಕೋರ್ಟ್‌ ಕೆಲ ನಿಯಮಗಳನ್ನು ರೂಪಿಸಿದೆ. ಆದರೆ, ಚಾರ್‌ಕೋಲ್‌ ಕೆಫೆ ಮಾಲೀಕರು, ಕೋರ್ಟ್‌ ಆದೇಶವನ್ನು ಉಲ್ಲಂ ಸಿದ್ದಾರೆ ಎನ್ನಲಾಗಿದೆ.