Cap Auction: ಬ್ರಾಡ್‌ಮನ್‌ ಕ್ಯಾಪ್‌ 2.11 ಕೋಟಿ ರೂ.ಗೆ ಹರಾಜು

ಸಿಡ್ನಿ: ಪ್ರವಾಸಿ ಭಾರತದೆದುರಿನ 1947-48ರ ಸರಣಿಯ ವೇಳೆ ಡಾನ್‌ ಬ್ರಾಡ್‌ಮನ್‌ ಧರಿಸಿದ್ದ ಬ್ಯಾಗಿ ಗ್ರೀನ್‌ ಕ್ಯಾಪ್‌ 250,000 ಅಮೆರಿಕನ್‌ ಡಾಲರ್‌ಗೆ (ಅಂದಾಜು 2.11 ಕೋಟಿ ರೂ.) ಮಾರಾಟವಾಯಿತು. ಮಂಗಳವಾರ ಸಿಡ್ನಿಯಲ್ಲಿ ಇದನ್ನು ಹರಾಜಿಗೆ ಇಡಲಾಗಿತ್ತು.

ಹರಾಜು ಪ್ರಕ್ರಿಯೆ ಕೇವಲ ಹತ್ತೇ ನಿಮಿಷಗಳಲ್ಲಿ ಮುಗಿಯಿತು. 160,000 ಡಾಲರ್‌ನಿಂದ ಮೊದಲ್ಗೊಂಡ ಬಿಡ್‌ 250,000 ಡಾಲರ್‌ಗೆ ಮುಟ್ಟಿತು. ಖರೀದಿದಾರರ ಪ್ರೀಮಿಯಂ ವೆಚ್ಚವನ್ನೂ ಪರಿಗಣಿಸಿದಾಗ ಇದರ ಮೊತ್ತ 310,000 ಯುಎಸ್‌ ಡಾಲರ್‌ನಷ್ಟಾತ್ತದೆ (2.61 ಕೋಟಿ ರೂ.).