IMF ಅನುಮಾನ; ಪಾಕ್‌ ಸಾಲ ಮರುಪಾವತಿ ಮಾಡಬಹುದೇ?

ಇಸ್ಲಾಮಾಬಾದ್‌: ದುಃಸ್ಥಿತಿಗೆ ತಲುಪಿರುವ ಪಾಕಿಸ್ಥಾನಕ್ಕೆ ಸಾಲ ನೀಡಲು ಖುದ್ದು ಐಎಂಎಫ್ ಹಿಂದೇಟು ಹಾಕಿದಂತಿದೆ. ಪಾಕಿಸ್ಥಾನದ ಸಾಲ ಬೇಡಿಕೆ ಬಗ್ಗೆ ಪರಿಶೀಲಿಸಲೆಂದು ಶನಿವಾರ ಇಸ್ಲಾಮಾಬಾದ್‌ಗೆ ಆಗಮಿಸಿರುವ ಐಎಂಎಫ್ ತಂಡ ಸರಕಾರದ ಆರ್ಥಿಕ ಸ್ಥಿತಿ ಗಮನಿಸಿ, ಪಾಕ್‌ಗೆ ಸಾಲ ಮರುಪಾವತಿಯ ಸಾಮರ್ಥ್ಯವಿದೆಯೇ ಎಂಬ ಸಂಶಯ ವ್ಯಕ್ತಪಡಿಸಿದೆ.

ಪಾಕಿಸ್ಥಾನಕ್ಕೆ  ನೆರವು ನೀಡಿದರೂ, ಅದನ್ನು ಸಮರ್ಪಕ ಬಳಕೆ ಬಗ್ಗೆ ನೀತಿಯಲ್ಲಿಯೇ ಲೋಪ ಕಾಣುತ್ತಿದೆ. ಹೀಗಾಗಿ, ಸಾಲದ ಮರು ಪಾವತಿ ಪಾಕಿಸ್ಥಾನಕ್ಕೆ ಕಷ್ಟವಾಗಬಹುದು. ಈ ಹಿನ್ನೆಲೆಯಲ್ಲಿ ಪಾಕಿಸ್ಥಾನ ಕೇಳಿಕೊಂಡಂತೆ ವಿಸ್ತೃತ ನೆರವು ನೀಡಿಕೆ ಕಷ್ಟ. ಏಕೆಂದರೆ ಈಗಾಗಲೇ ಸೂಚಿಸಲಾಗಿರುವ ಆರ್ಥಿಕ ಸುಧಾರಣ ಕ್ರಮಗಳೇ ಅನುಷ್ಠಾನವಾಗಿಲ್ಲ ಎಂದು ತಂಡ ಅಭಿಪ್ರಾಯಪಟ್ಟಿದೆ.