India ; 7 ದಿನಗಳಲ್ಲೇ ಸಿಎಎ ಜಾರಿ: ಕೇಂದ್ರ ಸಚಿವ

ಕೋಲ್ಕತ್ತಾ: ವಿವಾದಿತ ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ) ಇನ್ನೊಂದು ವಾರದಲ್ಲೇ ದೇಶದಲ್ಲಿ ಅನುಷ್ಠಾನಗೊಳ್ಳಲಿದೆ ಎಂದು ಕೇಂದ್ರ ಸಚಿವ ಶಂತನು ಠಾಕೂರ್‌ ಘೋಷಿಸಿದ್ದಾರೆ.

ಪಶ್ಚಿಮ ಬಂಗಾಲದಲ್ಲಿ ಸೋಮ ವಾರ ಸುದ್ದಿವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮಾತನಾಡುವ ವೇಳೆ ಶಂತನು ಠಾಕೂರ್‌ ಅವರು ಈ ಘೋಷಣೆ ಮಾಡಿದ್ದಾರೆ.

“ವಿವಾದಿತ ಸಿಎಎ ಕಾಯ್ದೆಯನ್ನು ಮುಂದಿನ 7 ದಿನಗಳ ಒಳಗಾಗಿ ದೇಶಾದ್ಯಂತ ಜಾರಿ ಮಾಡಲಾಗುತ್ತದೆ. ಇದು ನಾನು ನೀಡುವ ಗ್ಯಾರಂಟಿ. ಒಟ್ಟಿನಲ್ಲಿ ಲೋಕಸಭೆ ಚುನಾವಣೆಗೆ ಮುನ್ನವೇ ಇದು ಅನುಷ್ಠಾನಗೊಳ್ಳಲಿದೆ’ ಎಂದು ಕೇಂದ್ರದ ಬಂದರು ಖಾತೆ ಸಹಾಯಕ ಸಚಿವರಾಗಿರುವ ಠಾಕೂರ್‌ ಹೇಳಿದ್ದಾರೆ.