ಪಣಜಿ, ವಾಲಪೋಯಿ ಅಸೆಂಬ್ಲಿ ಉಪಚುನವಾಣೆ: ಮತದಾನ ಪ್ರಗತಿಯಲ್ಲಿ

ಪಣಜಿ : ಗೋವೆಯ ಪಣಜಿ ಮತ್ತು ವಾಲಪೋಯಿ ಅಸೆಂಬ್ಲಿ ಕ್ಷೇತ್ರದ ಉಪಚುನಾವಣೆಗೆ ಇಂದು ಬುಧವಾರ ಮತದಾನ ನಡೆಯುತ್ತಿದೆ. 

ಪಣಜಿ ಉಪಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿರುವ ಮುಖ್ಯಮಂತ್ರಿ ಮನೋಹರ್‌ ಪರ್ರೀಕರ್‌ ಅವರು ಕಾಂಗ್ರೆಸ್‌ ಅಭ್ಯರ್ಥಿಯಾಗಿರುವ, ರಾಹುಲ್‌ ಗಾಂಧಿಯ ನಿಕಟವರ್ತಿ ಗಿರೀಶ್‌ ಛೋಡನ್‌ಕರ್‌ ವಿರುದ್ಧ ಸೆಣಸುತ್ತಿದ್ದಾರೆ. ಗೋವಾ ಸುರಕ್ಷಾ ಮಂಚ್‌ನ ಆನಂದ್‌ ಶಿರೋಡ್‌ಕರ್‌ ಕೂಡ ಕಣದಲ್ಲಿದ್ದಾರೆ. 

ವಾಲಪೋಯಿ ಕ್ಷೇತ್ರದಲ್ಲಿ ಬಿಜೆಪಿಯು ತನ್ನ ಅಭ್ಯರ್ಥಿಯಾಗಿ ಕಾಂಗ್ರೆಸ್‌ ಬಂಡುಕೋರ ಹಾಗೂ ಆರೋಗ್ಯ ಸಚಿವರಾಗಿರುವ ವಿಶ್ವಜಿತ್‌ ರಾಣೆ ಅವರನ್ನು ಕಣಕ್ಕೆ ಇಳಿಸಿದೆ. ರಾಜ್ಯದ ಮಾಜಿ ಗೃಹ ಸಚಿವ ರವಿ ನಾಯಕ್‌ ಅವರ ಪುತ್ರ ರಾಯ್‌ ನಾಯಕ್‌ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಕಣದಲ್ಲಿದ್ದಾರೆ.