ಬದುಕಲಿಲ್ಲ ಸೈಕಲ್‌ ಹುಡುಗಿಯ ತಂದೆ : ಚಿಕಿತ್ಸೆಗಾಗಿ 1200 ಕಿ.ಮೀ ಸೈಕಲ್ ತುಳಿದಿದ್ದ ಬಾಲಕಿ

ಹೊಸದಿಲ್ಲಿ: ಕಳೆದ ವರ್ಷದ ಲಾಕ್‌ಡೌನ್‌ ವೇಳೆ ಅನಾರೋಗ್ಯಕ್ಕೀಡಾಗಿದ್ದ ತನ್ನ ತಂದೆಯನ್ನು 1,200 ಕಿ.ಮೀ. ದೂರದವರೆಗೆ ಸೈಕಲ್‌ ತುಳಿದು ಆಸ್ಪತ್ರೆಗೆ ದಾಖಲಿಸಿದ್ದ ಬಿಹಾರದ ಬಾಲಕಿ ಜ್ಯೋತಿ ಪಾಸ್ವಾನ್‌ಗೆ ವಿಧಿ ಕೈಕೊಟ್ಟಿದ್ದು, ತಂದೆ ಮೋಹನ್‌ ಪಾಸ್ವಾನ್‌ ಹೃದಯಾಘಾತದಿಂದ ನಿಧನ ಹೊಂದಿದ್ದಾರೆ.

ಸೋಂಕಿನ ಮೊದಲನೇ ಅಲೆ ವೇಳೆ ವಾಹನ ಸಂಚಾರಕ್ಕೆ ನಿರ್ಬಂಧವಿದ್ದ ಕಾರಣ ಜ್ಯೋತಿ ತನ್ನ ತಂದೆಯನ್ನು ಸೈಕಲ್‌ನಲ್ಲಿ ಕುಳ್ಳಿರಿಸಿಕೊಂಡು 8 ದಿನಗಳ ಕಾಲ ಸೈಕಲ್‌ ತುಳಿದು, ಗುರುಗ್ರಾಮ್‌ನಿಂದ ಸ್ವಗ್ರಾಮ ಶಿರೌಲಿಗೆ ಆಗಮಿಸಿದ್ದಳು.

ಆಕೆಯ ಸಾಧನೆಗೆ ದೇಶಾದ್ಯಂತ ಶ್ಲಾಘನೆ ವ್ಯಕ್ತವಾಗಿತ್ತಲ್ಲದೇ, “ಬಿಹಾರದ ಬೈಸಿಕಲ್‌ ಗರ್ಲ್’ ಎಂದೇ ಆಕೆ ಖ್ಯಾತಿ ಪಡೆದಿದ್ದಳು.