ಆಸ್ತಿ ವಿವಾದದ ಜಗಳದಲ್ಲಿ ಗುಂಡು ಹಾರಾಟ: ಉದ್ಯಮಿ ಅರೆಸ್ಟ್‌

ಹೈದರಾಬಾದ್‌ : ಇಲ್ಲಿಗೆ ಸಮೀಪ ಆಸ್ತಿ ವಿವಾದದ ಜಗಳದಲ್ಲಿ ತನ್ನ ನೆರೆಮನೆಯಾತನ ಮೇಲೆ ತನ್ನ ಲೈಸನ್ಸ್‌ ರಿವಾಲ್ವರ್‌ ನಿಂದ ಗಾಳಿಯಲ್ಲಿ ಗುಂಡು ಹಾರಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಪೊಲಿಸರು ಓರ್ವ ಉದ್ಯಮಿಯನ್ನು ಬಂಧಿಸಿದ್ದಾರೆ.

ಆರೋಪಿ ಉದ್ಯಮಿ ಸಾದಿಕ್‌ ಬಿನ್‌ ಮೆಹಫ‌ೂಜ್‌ ಜಗಳದ ಪರಾಕಾಷ್ಠೆಯಲ್ಲಿ ಎರಡು ಸುತ್ತು ಗುಂಡು ಹಾರಿಸಿದರು ಎಂದು ಪ್ರಕರಣವನ್ನು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿರುವ ಇನ್ಸ್‌ಪೆಕ್ಟರ್‌ ರಮೇಶ್‌ ಕೋತ್ವಾಲ್‌ ತಿಳಿಸಿದರು.

ಬಂಧಿತ ಉದ್ಯಮಿಯಿಂದ ಆತನ ರಿವಾಲ್ವರ್‌ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದವರು ಹೇಳಿದರು.