Advertisement
ರಸ್ತೆ, ಕಾಂಕ್ರಿಟ್‌ ಕಾಮಗಾರಿ ಉದ್ದೇಶದಿಂದ ನಗರದ ಲಾಲ್‌ ಬಾಗ್‌, ಬಳ್ಳಾಲ್‌ಬಾಗ್‌, ಪಿ.ವಿ.ಎಸ್. ಜಂಕ್ಷನ್‌ ಬಳಿ ಸೇರಿದಂತೆ ಹಲವು ಕಡೆಗಳಲ್ಲಿ ಬಸ್ ತಂಗುದಾಣ ಕೆಡವಲಾಗಿತ್ತು. ಕೆಲವೊಂದು ಕಡೆಗಳಲ್ಲಿ ಈಗಾಗಲೇ ತಂಗುದಾಣ ನಿರ್ಮಾಣಗೊಂಡಿದೆ. ನಗರದ ಡಾ| ಬಿ.ಆರ್. ಅಂಬೇಡ್ಕರ್‌ ವೃತ್ತ ಮತ್ತು ಬಂಟ್ಸ್‌ ಹಾಸ್ಟೆಲ್‌ ರಸ್ತೆಯ ನಡುವಣ ಗೋಲ್ಡ್‌ಫಿಂಚ್‌ ಹೋಟೆಲ್‌ ಬಳಿ ಬಸ್ ತಂಗುದಾಣ ನಿರ್ಮಾಣ ಮಾಡಲಾಗುತ್ತಿದೆ.
Related Articles
Advertisement
ನಗರದ ಕದ್ರಿಹಿಲ್ಸ್‌ (ಕದ್ರಿ ಪೊಲೀಸ್‌ ಠಾಣೆಯ ಎದುರು), ಪಿ.ವಿ.ಎಸ್. ಕುದ್ಮಲ್‌ ರಂಗರಾವ್‌ ರಸ್ತೆ, ಮಿಲಾಗ್ರಿಸ್‌ ಬಳಿಯ ವೆನ್ಲಾಕ್‌ ಆಸ್ಪತ್ರೆ, ಲೇಡಿಗೋಷನ್‌ ಆಸ್ಪತ್ರೆ ಬಳಿ, ಕೊಟ್ಟಾರ ಇನ್ಫೋಸಿಸ್‌ ಬಳಿ, ಯುಎಸ್‌ ಮಲ್ಯ ರಸ್ತೆಯ ಪಿಡಬ್ಲ್ಯೂಡಿ ಕಚೇರಿ ಬಳಿ, ವಾಸ್‌ಲೇನ್‌ ಮಂಗಳೂರು ನರ್ಸಿಂಗ್‌ ಹೋಂ ಬಳಿ, ಮಣ್ಣಗುಡ್ಡ ವೃತ್ತ ಬಳಿ, ವಿಮಾನ ನಿಲ್ದಾಣ ರಸ್ತೆ ಯೆಯ್ನಾಡಿ, ನಂತೂರು ಜಂಕ್ಷನ್‌, ವಿಮಾನ ನಿಲ್ದಾಣ ರಸ್ತೆ ಕೆಪಿಟಿ, ವಿಮಾನ ನಿಲ್ದಾಣ ರಸ್ತೆ ಶರಬತ್ತು ಕಟ್ಟೆ, ಅಳಕೆ ಗೋಕರ್ಣನಾಥ ದೇವಸ್ಥಾನ ಬಳಿ, ಕೊಟ್ಟಾರ ಇನ್ಫೋಸಿಸ್‌ ಎದುರು ಮತ್ತು ಪಂಪ್‌ವೆಲ್‌ ಪೆಂಟಗಾನ್‌ ಹೋಟೆಲ್‌ ಬಳಿ ನೂತನವಾಗಿ ಬಸ್ ತಂಗುದಾಣ ನಿರ್ಮಾಣ ಆಗಲಿದೆ. ಈಗಾಗಲೇ ಟೆಂಡರ್‌ ಅಂತಿಮಗೊಂಡಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಕಾಮಗಾರಿ ಆರಂಭಕ್ಕೆ ಪಾಲಿಕೆಯಿಂದ ಅನುಮತಿ ದೊರಕಲಿದೆ.
ಮೂಲ ಸೌಕರ್ಯಕ್ಕೆ ಆದ್ಯತೆ
ನಗರದಲ್ಲಿ ಈ ಹಿಂದೆ ಅಭಿವೃದ್ಧಿ ದೃಷ್ಟಿಯಿಂದ ರಸ್ತೆ ಅಗಲೀಕರಣ ವೇಳೆ ಕೆಲವು ಕಡೆ ಬಸ್ ತಂಗುದಾಣವನ್ನು ಕೆಡವಲಾಗಿತ್ತು. ಇದೀಗ ಅದೇ ಜಾಗದಲ್ಲಿ ಮತ್ತೆ ಬಸ್ ತಂಗುದಾಣ ನಿರ್ಮಾಣ ಕೆಲಸ ನಡೆಸಲಾಗುತ್ತಿದೆ. ಅಲ್ಲದೆ, ನಗರದ 15 ಕಡೆಗಳಲ್ಲಿ ಹೊಸದಾಗಿ ಬಸ್ ತಂಗುದಾಣ ನಿರ್ಮಾಣವಾಗುತ್ತಿದೆ. ಬಸ್ ತಂಗುದಾಣದಲ್ಲಿ ಕುಡಿಯುವ ನೀರು ಸಹಿತ ಮೂಲಭೂತ ಸೌಕರ್ಯಕ್ಕೆ ಪ್ರಾಶಸ್ತ್ಯ ನೀಡಲಾಗುವುದು. – ಪ್ರೇಮಾನಂದ ಶೆಟ್ಟಿ, ಮನಪಾ ಮೇಯರ್