ಕೂಡ್ಲಿಗಿ:ಬಸ್‌ಗೆ ಕಂಟೇನರ್‌ ಡಿಕ್ಕಿ,16 ಮಂದಿಗೆ ಗಂಭೀರ ಗಾಯ 

ಕೂಡ್ಲಿಗಿ: ಇಲ್ಲಿನರಾಷ್ಟ್ರೀಯ ಹೆದ್ದಾರಿ 13 ರ ಹುಲಿಕೆರೆ ಗ್ರಾಮದಲ್ಲಿ ಕಂಟೇನರ್‌  ಲಾರಿಯೊಂದು  ಕೆಎಸ್‌ಆರ್‌ಟಿಸಿ ಬಸ್‌ಗೆ ಡಿಕ್ಕಿಯಾಗಿ 16 ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಅವಘಡ ಗುರುವಾರ ಬೆಳಗ್ಗೆ ಸಂಭವಿಸಿದೆ. 

ಅಪಘಾತದ ತೀವ್ರತೆಗೆ ಕಂಟೇನರ್‌ ಚಾಲಕನ 2 ಕಾಲುಗಳು ತುಂಡಾಗಿವೆ. ಬಸ್‌ನಲ್ಲಿದ್ದ 15 ಮಂದಿಗೆ ಗಂಭೀರವಾಗಿ ಗಾಯಗಳಾಗಿವೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. 

ಖಾನಾ ಹೊಸಹಳ್ಳಿ ಪೊಲೀಸ್‌ ಠಾಣಾ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.