ಯಾದಗಿರಿ: ಬಸ್ ಪಲ್ಟಿ ಚಾಲಕ ಸೇರಿ ಮೂರು ಸಾವು

ಯಾದಗಿರಿ : ಕಲಬುರಗಿಯಿಂದ ಶಹಾಪುರ ಕೆಂಭಾವಿ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಸಾರಿಗೆ ಬಸ್ ಏಕಾಏಕಿ ಪಲ್ಟಿಯಾದ ಪರಿಣಾಮ ಸ್ಥಳದಲ್ಲೇ ಇಬ್ಬರು ಪ್ರಯಾಣಿಕರು ಹಾಗೂ ಚಾಲಕ ಮೃತಪಟ್ಟು ಹಲವರು ಗಾಯಗೊಂಡ ಘಟನೆ ನಡೆದಿದೆ.

ಶಹಾಪುರ ಘಟಕಕ್ಕೆ ಸೇರಿದ ಬಸ್ (ಕೆಎ 33 ಎಫ್ 0224) ಕಲಬುರಗಿಯಿಂದ ಕೆಂಭಾವಿಗೆ ಆಗಮಿಸುವ ಸಂದರ್ಭ ಸುರಪುರ ತಾಲ್ಲೂಕಿನ ಏವೂರ ಬಳಿ ಏಕಾಏಕಿ ಪಲ್ಟಿಯಾಗಿದೆ.

ಘಟನೆಯಲ್ಲಿ ಗಾಯಗೊಂಡ ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಸ್ಥಳಕ್ಕೆ ಯಾದಗಿರಿ ಈಶಾನ್ಯ ಸಾರಿಗೆ ಸಂಸ್ಥೆಯ ವಿಭಾಗೀಯ ನಿಯಂತ್ರಣಾಧಿಕಾರಿ ಸಂತೋಷ ಗೋಗೇರಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.