ಭೀಕರ ಬಸ್ ಅಪಘಾತ: ಐವರು ಸಾವು; 30 ಅಧಿಕ ಮಂ‍ದಿ ಗಂಭೀರ

ಪಾವಗಡ: ಚಾಲಕನ ನಿಯಂತ್ರಣ ತಪ್ಪಿ ಖಾಸಗಿ ಬಸ್ ಪಲ್ಟಿಯಾಗಿ ಐವರು ಸಾವನ್ನಪ್ಪಿ, 30ಕ್ಕೂ ಅಧಿಕ ಮಂದಿ ಗಂಭೀರ ಗಾಯಗೊಂಡಿರುವ ಘಟನೆ ವೈ.ಎನ್.ಹೊಸಕೋಟೆ ಗ್ರಾಮದಲ್ಲಿ ನಡೆದಿದೆ.

ತಾಲ್ಲೂಕಿನ ಪೋತಗಾನಹಳ್ಳಿ ಅಮೂಲ್ಯ(16), ಸೂಲನಾಯಕನಹಳ್ಳಿ ಅಜಿತ್(28), ವೈ.ಎನ್ ಹೊಸಕೋಟೆ ಕಲ್ಯಾಣ್(18), ಆಂಧ್ರದ ಬೆಸ್ತರಹಳ್ಳಿ ಶಾನ್ ವಾಸ್ (18), ನೀಲ್ಲಮ್ಮನಹಳ್ಳಿ ದಾದು(18) ಮೃತ ದುರ್ದೈವಿಗಳು.

ತಾಲೂಕಿನ ಪಳವಳ್ಳಿ ಕಟ್ಟೆ ಮೇಲೆ ವೈ.ಎನ್.ಹೊಸಕೋಟೆ ಗ್ರಾಮದಿಂದ ಪಾವಗಡ ಪಟ್ಟಣಕ್ಕೆ ಬರುವ ಖಾಸಗಿ  ಎಸ್.ವಿ.ಟಿ ಬಸ್ ಬೆಳಗ್ಗೆ ಚಾಲಕನ ನಿಯಂತ್ರಣ ತಪ್ಪಿ ಬಸ್ ಪಲ್ಟಿ ಹೊಡೆದಿದೆ.

ಇದನ್ನೂ ಓದಿ:ಸಿದ್ದಾಪುರ: ಮನೆ ಮೇಲೆ ಮರ ಬಿದ್ದು ನಾಲ್ವರಿಗೆ ಗಾಯ

30 ಹೆಚ್ಚು ಜನ ಗಂಭೀರ ಗಾಯಗೊಂಡಿದ್ದು, ಬಹುತೇಕ ವಿದ್ಯಾರ್ಥಿಗಳೇ ಪ್ರಯಾಣಿಸುತ್ತಿದ್ದರು ಎಂದು ತಿಳಿದುಬಂದಿದೆ.

ಪಾವಗಡ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಗಾಯಗೊಂಡವರನ್ನು ಪಾವಗಡ, ತುಮಕೂರು,ಬೆಂಗಳೂರು ಅಸ್ಪತ್ರೆಗೆ ಕರೆದೊಯ್ಯಲಾಗಿದೆ.

ಈ ಘಟನೆಯಿಂದ ಸಾವು -ನೋವುಗಳ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ಮಾಹಿತಿ ಲಭ್ಯವಾಗಿದೆ.