ONGC ಗೆ ಬಂಪರ್‌: ಬಂಗಾಳ ಕೊಲ್ಲಿಯಲ್ಲಿ 2 ಕಡೆ ಅನಿಲ ಆವಿಷ್ಕಾರ

‌ನವದೆಹಲಿ: ಸರ್ಕಾರಿ ಸ್ವಾಮ್ಯದ ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮ(ಒಎನ್‌ಜಿಸಿ) ಬಂಗಾಳಕೊಲ್ಲಿಯ ಮಹಾನದಿ ಜಲಾನಯನ ಪ್ರದೇಶದಲ್ಲಿ ಒಂದಾದ ಮೇಲೆ ಒಂದರಂತೆ 2 ಕಡೆ ನೈಸರ್ಗಿಕ ಅನಿಲವನ್ನು ಪತ್ತೆಹಚ್ಚಿದೆ. ರಿಸ್ಕ್ ಹೆಚ್ಚಿದ್ದರೂ, ಆಳ ಸಮುದ್ರ ಅನ್ವೇಷಣೆ ನಡೆಸಲು ಸಂಸ್ಥೆ ನಿರ್ಧರಿಸಿದ ಬೆನ್ನಲ್ಲೇ ಈ ಬಂಪರ್‌ ಹೊಡೆದಿದೆ.

ಈ ಹಿಂದೆ, ರಾಷ್ಟ್ರೀಯ ಭದ್ರತಾ ಹಿತಾಸಕ್ತಿ ಕಾರಣಕ್ಕೆ ಯಾವ ಪ್ರದೇಶಕ್ಕೆ ನಿರ್ಬಂಧ ವಿಧಿಸಲಾಗಿತ್ತೋ, ಅದೇ ಪ್ರದೇಶದಲ್ಲಿ 2 ಕಡೆ ಅನಿಲ ಅನ್ವೇಷಣೆಯಾಗಿದೆ. ಒಂದೆಡೆ, 714 ಮೀ. ಆಳದಲ್ಲಿ ಆರಂಭಿಕ ಪರೀಕ್ಷೆ ವೇಳೆ ದಿನಕ್ಕೆ 3 ಲಕ್ಷ ಕ್ಯೂಬಿಕ್‌ ಮೀ.ಗೂ ಹೆಚ್ಚು ಗ್ಯಾಸ್‌ನ ಹರಿವು ಕಂಡುಬಂದಿದೆ. ಮತ್ತೂಂದೆಡೆ 1,110 ಮೀ. ಆಳದಲ್ಲಿ ಗ್ಯಾಸ್‌ ಪತ್ತೆಯಾಗಿದೆ ಎಂದು ಒಎನ್‌ಜಿಸಿ ಹೇಳಿದೆ.