ಎಸ್‌ಟಿಟಿಯಲ್ಲಿ ರಿಬೇಟ್‌ ಮರುಜಾರಿಗೆ ಒತ್ತಾಯ

ನವದೆಹಲಿ: ಭದ್ರತಾಪತ್ರ ವಹಿವಾಟು ತೆರಿಗೆ(ಎಸ್‌ಟಿಟಿ) ಮತ್ತು ಸರಕು ವಹಿವಾಟು ತೆರಿಗೆ(ಸಿಟಿಟಿ)ಯಲ್ಲಿ ರಿಬೇಟ್‌ ಅನ್ನು ಮರುಜಾರಿ ಮಾಡುವಂತೆ ಕೇಂದ್ರ ಸರ್ಕಾರಕ್ಕೆ ಷೇರು ಮಧ್ಯವರ್ತಿ ಸಂಸ್ಥೆ ಅಸೋಸಿಯೇಷನ್‌ ಆಫ್ ನ್ಯಾಷನಲ್‌ ಎಕ್ಸ್‌ಚೇಂಜಸ್‌ ಮೆಂಬರ್ಸ್‌ ಆಫ್ ಇಂಡಿಯಾ(ಎಎನ್‌ಎಂಐ) ಮನವಿ ಸಲ್ಲಿಸಿದೆ.

ಜತೆಗೆ, 2023ರ ಬಜೆಟ್‌ನಲ್ಲಿ ಅಲ್ಪಾವಧಿ ಬಂಡವಾಳದಲ್ಲಿ ಬಂದ ಆದಾಯ(ಎಸ್‌ಟಿಸಿಜಿ)ಕ್ಕೆ 1 ಲಕ್ಷ ರೂ.ವರೆಗೆ ತೆರಿಗೆ ವಿನಾಯಿತಿ ನೀಡುವಂತೆಯೂ ಕೋರಿದೆ.

ಇದರಿಂದಾಗಿ, ಮಾರುಕಟ್ಟೆಯಲ್ಲಿ ಜನರ ಪಾಲ್ಗೊಳ್ಳುವಿಕೆ ಹೆಚ್ಚಾಗುತ್ತದೆ ಮತ್ತು ಹೂಡಿಕೆಗೂ ಉತ್ತೇಜನ ನೀಡಿದಂತಾಗುತ್ತದೆ ಎಂದು ಸಿಬಿಡಿಟಿ ಮುಖ್ಯಸ್ಥ ನಿತಿನ್‌ ಗುಪ್ತಾ ಅವರಿಗೆ ಸಲ್ಲಿಸಿದ ಮನವಿಯಲ್ಲಿ ಕೋರಲಾಗಿದೆ.