ಬಜೆಟ್‌: ಈ ಬಾರಿ ಹಲ್ವಾ ಸಮಾರಂಭವಿಲ್ಲ

ನವದೆಹಲಿ: ಕೊರೊನಾ ಸಾಂಕ್ರಾಮಿಕ ಈ ಬಾರಿಯ ಬಜೆಟ್‌ ಮೇಲೂ ಪರಿಣಾಮ ಬೀರಿದೆ. ಪ್ರತಿ ವರ್ಷ ಬಜೆಟ್‌ ಮಂಡನೆಗೂ ಕೆಲ ದಿನ ಮೊದಲೇ ನಡೆಸುವ “ಹಲ್ವಾ ಸಮಾರಂಭ’ವನ್ನು ಈ ಬಾರಿ ನಡೆಸಲಾಗುತ್ತಿಲ್ಲ.

ಈ ಬಗ್ಗೆ ಆರ್ಥಿಕ ಸಚಿವಾಲಯ ಮಾಹಿತಿ ಕೊಟ್ಟಿದೆ. ಬಜೆಟ್‌ ತಯಾರಿ ಮುಗಿದ ನಂತರ ಅದನ್ನು ಮುದ್ರಣಕ್ಕೆ ಕಳುಹಿಸುವ ಮೊದಲು ಹಲ್ವಾ ಸಮಾರಂಭ ಮಾಡಲಾಗುತ್ತಿತ್ತು. ಬಜೆಟ್‌ ತಯಾರಿಕೆಯಲ್ಲಿ ತೊಡಗಿದ್ದ ವಿತ್ತ ಸಚಿವಾಲಯದ ಸಿಬ್ಬಂದಿಗೆ ಹಲ್ವಾ ಹಂಚಲಾಗುತ್ತಿತ್ತು.

ಆದರೆ ಈ ಬಾರಿ ಕೊರೊನಾ ಮುಂಜಾಗ್ರತೆ ಹಿನ್ನೆಲೆ ಹಲ್ವಾ ಸಮಾರಂಭ ಮಾಡಲಾಗುತ್ತಿಲ್ಲ ಎಂದು ಹೇಳಿದೆ.