ಬ್ರಿಟನ್ ರಾಣಿಯ ಆಳ್ವಿಕೆಗೆ 70 ವರ್ಷ:ಪ್ಲ್ಯಾಟಿನಮ್ ಸಡಗರಕ್ಕೆ ಬಕಿಂಗ್ಹ್ಯಾಮ್ ಅರಮನೆ ಸಿದ್ಧತೆ

ಲಂಡನ್ : ಬ್ರಿಟನ್ ನ ರಾಣಿ ಎಲಿಜಬೆತ್ || ಅವರ ಆಳ್ವಿಕೆಯ 70ನೇ ವರ್ಷದ ತಯಾರಿಯಲ್ಲಿ ಬಕಿಂಗ್ಹ್ಯಾಮ್  ಅರಮನೆ ಸಜ್ಜಾಗುತ್ತಿದೆ. ಎಲಿಜಬೆತ್ ಬಕಿಂಗ್ಹ್ಯಾಮ್ ಅರಮನೆಯ ರಾಣಿಯಾಗಿ ಆಳ್ವಿಕೆ ಆರಂಭಿಸಿ ಬರುವ 2022ಕ್ಕೆ ಎಪ್ಪತ್ತು ವರ್ಷ ಪೂರೈಸಲಿದ್ದು, 2022ರ ಜೂನ್ ನಲ್ಲಿ  ಪ್ಲ್ಯಾಟಿನಮ್ ಸಂಭ್ರಮಾಚರಣೆಯನ್ನು ಆಯೋಜಿಸುವ ಉದ್ದೇಶದಿಂದ ಅರಮನೆ ಸಿದ್ಧತೆಯಲ್ಲಿದೆ.

ವಿಶ್ವದ ಶ್ರೇಷ್ಠ ಸೆಲೆಬ್ರಟಿಗಳೊಂದಿಗೆ ನಾಲ್ಕು ದಿನಗಳ ಸಂಗೀತ ಕಚೇರಿಯನ್ನೊಳಗೊಂಡು ಹಲವಾರು ಕಾರ್ಯಕ್ರಮಗಳಿಗೆ ಈಗಾಗಲೇ ರೂಪುರೇಷೆ ತಯಾರಿ ಹಂತದಲ್ಲಿದ್ದು, ಬ್ರಿಟನ್ ನ ಬಕಿಂಗ್ಹ್ಯಾಮ್ ಅರಮನೆಯ ರಾಣಿಯಾಗಿ 70 ವರ್ಷ ಪೂರೈಸಿದ ಮೊದಲ ರಾಣಿಯಾಗಿ ಎಲಿಜಬೆತ್ || ಸಂಭ್ರಮದ ದಿನಗಳನ್ನು ಎದುರುಗಾಣುತ್ತಿದ್ದಾರೆ.

ಇದನ್ನೂ ಓದಿ :  ಉಡುಪಿ ಜಿಲ್ಲೆಯ 33 ಗ್ರಾಮಗಳು ಸ್ತಬ್ಧ: ಮೊದಲ ದಿನದ ಸಂಪೂರ್ಣ ಲಾಕ್‌ಡೌನ್‌ ಯಶಸ್ವಿ

95 ವರ್ಷ ವಯಸ್ಸಿನ ರಾಣಿ ಎಲಿಜಬೆತ್ ಫೆಬ್ರವರಿ 6, 1952 ರಂದು ತನ್ನ ತಂದೆ ಕಿಂಗ್ ಜಾರ್ಜ್ VI ರ ನಂತರ  25 ವರ್ಷದವರಾಗಿದ್ದಾಗ ರಾಣಿಯಾಗಿ ಅಧಿಕಾರ ಸ್ವೀಕರಿಸಿದ್ದರು.

ಈ ಕುರಿತಾಗಿ ತನ್ನ ಅಧಿಕೃತ ಟ್ವೀಟರ್ ಖಾತೆಯ ಮೂಲಕ ಮಾಹಿತಿ ಹಂಚಿಕೊಂಡ ದಿ ರಾಯಲ್ ಫ್ಯಾಮಿಲಿ,  ಮುಂದಿನ ವರ್ಷ ಜೂನ್ 2-5ರ ನಡುವೆ ಪ್ಲ್ಯಾಟಿನಮ್ ಜುಬಿಲಿ ಅದ್ಧೂರಿಯಾಗಿ ನಡೆಸಲು ಆಯೋಜಿಸುತ್ತಿದ್ದು, ಪ್ಲ್ಯಾಟಿನಮ್ ವರ್ಷವಾಗಿ ಆಚರಿಸುವ ಉದ್ದೇಶದಿಂದ ವರ್ಷಪೂರ್ತಿ ಐತಿಹಾಸಿಕ ಕ್ಷಣಗಳನ್ನಾಗಿ ಪರಿವರ್ತಿಸುವ ಉದ್ದೇಶದಿಂದ ಹಲವಾರು ಕಾರ್ಯಕ್ರಮಗಳ ಆಯೋಜನೆಯ ಯೋಜನೆಯಲ್ಲಿದೆ. “ಜೂನ್ 2 ರ ಗುರುವಾರದಿಂದ ಜೂನ್ 5 ರ ಭಾನುವಾರದವರೆಗೆ ಯುನೈಟೆಡ್ ಕಿಂಗ್‌ ಡಂ ನಾದ್ಯಂತ ಜನರಿಗೆ ಒಗ್ಗೂಡಲು ಅವಕಾಶವನ್ನು ಒದಗಿಸುತ್ತದೆ” ಎಂದು ಅರಮನೆ ಹೇಳಿಕೆಯಲ್ಲಿ ತಿಳಿಸಿದೆ.

ರಾಣಿಯ ಏಳು ದಶಕಗಳ ಆಳ್ವಿಕೆಗಾಗಿ ಥ್ಯಾಂಕ್ಸ್ ಗಿವಿಂಗ್ ಅಥವಾ ಕೃತಜ್ಞತಾ ಸಮರ್ಪಣಾ ಸಮಾರಂಭವು ಲಂಡನ್ನಿನ  ಸೇಂಟ್ ಪಾಲ್ಸ್ ಕ್ಯಾಥೆಡ್ರಲ್ ನಲ್ಲಿ ನಡೆಯಲಿದೆ. ರಾಣಿಯ ಏಳು ದಶಕಗಳ ಆಳ್ವಿಕೆಯ ಅತ್ಯಂತ ಮಹತ್ವದ ಮತ್ತು ಸಂತೋಷದಾಯಕ ಕ್ಷಣಗಳನ್ನು ಸಂಭ್ರಮಿಸಲು ಜಗತ್ತಿನ ಖ್ಯಾತ ಸಂಗೀತಗಾರರ ಕೂಡುವಿಕೆಯಲ್ಲಿ ಬಕಿಂಗ್ಹ್ಯಾಮ್ ಅರಮನೆಯಿಂದ ಸಂಗೀತ ಕಾರ್ಯಕ್ರಮವನ್ನು ಏರ್ಪಡಿಸುತ್ತಿದ್ದು, ಜೊತೆಗೆ ಎಲಿಜೆಬೆತ್ ಏಳು ದಶಕಗಳನ್ನು ಆಳ್ವಿಕೆನ್ನು ನೆನಪಿಸುವ ವಿಶೇಷ ಕಾರ್ಯಕ್ರಮಗಳನ್ನು ಬಕಿಂಗ್ಹ್ಯಾಮ್ ಅರಮನೆಯಿಂದ ಬಿಬಿಸಿ ವಿಶೇಷ ಲೈವ್ ಪ್ರಸಾರ ಮಾಡಲು ಅರಮನೆ ನಿರ್ಧರಿಸಿದೆ.

ಇನ್ನು, ಈ ವಿಶೇಷ ಸಂದರ್ಭದಲ್ಲಿ ಸಾರ್ವಜನಿಕರಿಗೆ ಭಾಗವಹಿಸಲು ಅವಕಾಶವನ್ನು ಒದಗಿಸಲಾಗುತ್ತಿದೆ. ಭಾಗವಹಿಸುವವರಿಗೆ ನಿಗದಿತ ಟಿಕೇಟ್ ದರವನ್ನೂ ಕೂಡ ಇಡಲಾಗುತ್ತದೆ. ಆ ಬಗ್ಗೆ ಹೆಚ್ಚಿನ ವಿವರಗಳನ್ನು ಮುಂದಿನ ದಿನಗಳಲ್ಲಿ ನೀಡಲಾಗುತ್ತದೆ ಎಂದು ಅರಮನೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ :  ಕೈಗಾರಿಕಾ ಸಮಸ್ಯೆಗಳಿಗೆ ಸ್ಪಂದಿಸಲು ಶೀಘ್ರ ತೀರ್ಮಾನ : ಸರ್ಕಾರದ ಮುಖ್ಯ ಕಾರ್ಯದರ್ಶಿ ಭರವಸೆ