ಶೃಂಗೇರಿ ಶ್ರೀಗಳ ದರ್ಶನ ಪಡೆದ ಬಿಎಸ್‌ವೈ

ಶೃಂಗೇರಿ: ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಅವರು ಶನಿವಾರ ಶೃಂಗೇರಿ ಶಾರದಾಪೀಠಕ್ಕೆ ಭೇಟಿ ನೀಡಿ ಜಗದ್ಗುರು ಶ್ರೀ ಭಾರತೀತೀರ್ಥ ಸ್ವಾಮೀಜಿಯವರ ಆಶೀರ್ವಾದ ಪಡೆದರು.

ಯಡಿಯೂರಪ್ಪ ನವರನ್ನು ಆಶೀರ್ವದಿಸಿ ಮಾತನಾಡಿದ ಜಗದ್ಗುರುಗಳು, ಮಠದ ಭಕ್ತರಾದ ನಿಮಗೆ ಶ್ರೀ ಶಾರದಾಂಬೆ ಮತ್ತು ಜಗದ್ಗುರುಗಳ ಆಶೀರ್ವಾದವಿದೆ. ಶಾಸಕರು, ಸಂಸದರು ಮಠದ ಭಕ್ತರಾಗಿದ್ದು, ಮಠಕ್ಕೆ ನಿರಂತರ ಭೇಟಿ
ನೀಡುತ್ತಿದ್ದಾರೆ. ಸಮಾಜಕ್ಕೆ ಒಳಿತು ಮಾಡುವ ಕೆಲಸಗಳು ನಿಮ್ಮಿಂದಾಗಲಿ. ರಾಜ್ಯದ ಅಭಿ ವೃದ್ಧಿಗೆ ಪ್ರಾಮಾಣಿಕ ಸೇವೆ ಸಲ್ಲಿಸಿ ಎಂದರು.

ಈ ಸಂದರ್ಭದಲ್ಲಿ ಕಿರಿಯ ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಉಪಸ್ಥಿತರಿದ್ದರು. ಸಂಸದೆ ಶೋಭಾ ಕರಂದ್ಲಾಜೆ, ಶಾಸಕ ಡಿ.ಎನ್‌.ಜೀವರಾಜ್‌,ಜಿಪಂ ಸದಸ್ಯ ಬಿ.ಶಿವಶಂಕರ್‌, ಪಪಂ ಸದಸ್ಯ ಟಿ.ಕೆ.ಪರಾಶರ ಇದ್ದರು.