ಫೆ.1ರಂದೂ ನಡೆಯಲಿದೆ ಷೇರು ವಹಿವಾಟು

ಮುಂಬಯಿ: ಕೇಂದ್ರ ಬಜೆಟ್‌ ಮಂಡನೆ ದಿನವಾದ ಫೆ. 1ರಂದೂ ಬಾಂಬೆ ಷೇರು ಪೇಟೆ ತೆರೆದೇ ಇರಲು ನಿರ್ಧರಿಸಿದೆ. ಹೀಗಾಗಿ, ಆ ದಿನ ಷೇರುಗಳ ಕೊಳ್ಳುವಿಕೆ, ಮಾರಾಟ ಮಾಡಲು ಉತ್ಸುಕರಾಗಿರುವವರು ನಿರಾಶರಾಗಬೇಕಾಗಿಲ್ಲ. ಬೆಳಗ್ಗೆ 9 ಗಂಟೆಗೆ ಶುರುವಾಗಿ ಸಂಜೆ 3.30ರ ವರಗೆ ವಹಿ ವಾಟು ಇರಲಿದೆ.

2015ರಲ್ಲಿ ವಿತ್ತ ಸಚಿವರಾಗಿದ್ದ ದಿ| ಅರುಣ್‌ ಜೇಟ್ಲಿ ಬಜೆಟ್‌ ಮಂಡಿಸಿದ್ದು ಶನಿವಾರ. ಆ ದಿನ ಕೂಡ ಷೇರು ಪೇಟೆ ವಹಿವಾಟು ನಡೆಸಿತ್ತು. ಕಳೆದ ಜು. 5ರಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ತಮ್ಮ ಮೊದಲ ಬಜೆಟ್‌ ಮಂಡಿಸಿದ್ದಾಗ ಬಿಎಸ್‌ಇ ಸೂಚ್ಯಂಕ ಕುಸಿದಿತ್ತು.