ಮದ್ಯ ಸಿಗದೆ ಸ್ಯಾನಿಟೈಸರ್ ಸೇವಿಸಿ ಮೂವರು ಸಹೋದರರ ಸಾವು..!

ಭೋಪಾಲ್ : ಜನರು ಮದ್ಯಕ್ಕೆ ಎಷ್ಟೊಂದು ವ್ಯಸನಿಗಳಾಗಿರುತ್ತಾರೆ ಅಂದ್ರೆ ತಮಗೆ ಎಷ್ಟೇ ಕಷ್ಟ ಆದ್ರೂ ಪರವಾಗಿಲ್ಲ ಕುಡಿಯಲೇ ಬೇಕು ಎಂಬ ಹುಂಬ ಮನಸ್ಥಿತಿಯನ್ನು ಹೊಂದಿರುತ್ತಾರೆ. ಇಂತಹದ್ದೇ ಮನಸ್ಥಿತಿಯ ಮೂರು ಜನ ಸಹೋದರರು ಕುಡಿಯಲು ಮದ್ಯ ಸಿಗಲಿಲ್ಲ ಎಂಬ ಕಾರಣಕ್ಕೆ ಸ್ಯಾನಿಟೈಸರ್ ಕುಡಿದು ಪ್ರಾಣ ಬಿಟ್ಟಿದ್ದಾರೆ.

ಈ ಘಟನೆಯು ಮಧ್ಯಪ್ರದೇಶ ಭೋಪಾಲ್ ನಲ್ಲಿ ನಡೆದಿದ್ದು, ಮದ್ಯಕ್ಕೆ ದಾಸರಾಗಿದ್ದ ಈ ಮೂವರು 3 ಲೀಟರ್ ಸ್ಯಾನಿಟೈಸರ್ ಸೇವಿಸಿ ಮೃತ ಪಟ್ಟಿದ್ದಾರೆ. ಸಾವನ್ನಪ್ಪಿರುವವರನ್ನು ಪರ್ವತ್ ಅಹಿರ್ವಾರ್(55), ರಾಮ್ ಪ್ರಸಾದ್(50), ಬ್ರುಹ ಅಹಿರ್ವಾರ್ ಎಂದು ಗುರುತಿಸಲಾಗಿದೆ.

ಈ ಮೂವರಲ್ಲಿ ಬ್ರುಹ ಎಂಬುವವರಿಗೆ ಮದುವೆಯಾಗಿದ್ದು, ಇನ್ನುಳಿದ ಇಬ್ಬರು ಕೂಲಿ ಕೆಲಸ ಮಾಡುತ್ತಿದ್ದರಂತೆ. ಕೊರೊನಾ ಲಾಕ್ ಡೌನ್ ವೇಳೆ ಎಣ್ಣೆ ಸಿಗದ ಕಾರಣ ಮದ್ಯಕ್ಕೆ ದಾಸರಾಗಿದ್ದ ಇವರು ಸ್ಯಾನಿಟೈಸರ್ ಸೇವಿಸುತ್ತಿದ್ದರು ಎಂದು ವರದಿಯಾಗಿದೆ.

ಪೊಲೀಸರು ಹೇಳುವ ಪ್ರಕಾರ ಈ ಮೂರು ಜನ ಕಳೆದ ಭಾನುವಾರ ಸ್ಯಾನಿಟೈಸರ್ ಬಾಟೆಲ್ ಗಳನ್ನು ಕೊಂಡು ಕುಡಿದಿದ್ದಾರೆ. ನಂತರ ಪ್ರಸಾದ್ ಎಂಬುವವರು ಮನೆಗೆ ಹೋಗಿದ್ದು ಇನ್ನುಳಿದ ಇಬ್ಬರು ರಸ್ತೆ ಬದಿಯಲ್ಲೇ ಮಲಗಿದ್ದಾರೆ. ನಂತರ ಇವರ ಮೃತ ದೇಹಗಳು ರಸ್ತೆಯಲ್ಲೆ ಪತ್ತೆಯದ ಮೇಲೆ ಪ್ರಕರಣ ಬೆಳಕಿಗೆ ಬಂದಿದೆ.