ಈಜಿಪ್ಟ್ ಶೃಂಗಸಭೆಯಲ್ಲಿ ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಭಾಗಿ

ಲಂಡನ್‌: ಮುಂದಿನ ವಾರ ಈಜಿಪ್ಟ್ ನಲ್ಲಿ ನಡೆಯಲಿರುವ ಜಾಗತಿಕ ಹವಾಮಾನ ಶೃಂಗಸಭೆಯಲ್ಲಿ ಪಾಲ್ಗೊಳ್ಳುವುದಾಗಿ ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಬುಧವಾರ ತಿಳಿಸಿದ್ದಾರೆ.

ಬ್ರಿಟನ್‌ನ ಆಂತರಿಕ ಸಮಸ್ಯೆಗಳು ಹಾಗೂ ಆರ್ಥಿಕ ಬಿಕ್ಕಟ್ಟು ಪರಿಹರಿಸುವುದರ ಕಡೆ ಹೆಚ್ಚಿನ ಗಮನ ಹರಿಸಬೇಕಾಗಿರುವುದರಿಂದ ಶೃಂಗಸಭೆಯಲ್ಲಿ ಪಾಲ್ಗೊಳ್ಳದಿರಲು ಈ ಹಿಂದೆ ರಿಷಿ ಸುನಕ್‌ ತೀರ್ಮಾನಿಸಿದ್ದರು.

ಸುನಕ್‌ ಅವರ ಈ ನಿರ್ಧಾರವನ್ನು ಬ್ರಿಟನ್‌ನ ಪ್ರತಿಪಕ್ಷ ಲೇಬರ್‌ ಪಾರ್ಟಿಯ ಮುಖಂಡರು ಸೇರಿದಂತೆ ಹಲವರು ಟೀಕಿಸಿದ್ದರು. ಹೀಗಾಗಿ ಅವರು ತೀರ್ಮಾನ ಬದಲಿಸಿದ್ದಾರೆ ಎನ್ನಲಾಗಿದೆ. ಜಾಗತಿಕ ಹವಾಮಾನ ಕುರಿತ ಶೃಂಗಸಭೆಯು ನ.6ರಿಂದ 18ರವರೆಗೆ ಈಜಿಪ್ಟ್ ನಲ್ಲಿ ಶರ್ಮ್ ಎಲ್‌ ಶೇಖ್‌ ನಗರದಲ್ಲಿ ನಡೆಯಲಿದೆ.